SRH Vs PBKS IPL 2023 14th Match Live Score Updates: సొంతగడ్డపై హైదరాబాద్ ఈ సీజన్‌లో బోణీ కొట్టింది. పంజాబ్ కింగ్స్‌పై 8 వికెట్ల తేడాతో జయభేరీ మోగించింది. పంజాబ్ జట్టు విధించిన 144 పరుగుల లక్ష్యాన్ని కేవలం 2 వికెట్లు కోల్పోయి 17.1 ఓవర్లలోనే ఛేదించింది. రాహుల్ త్రిపాఠి (48 బంతుల్లో 74, 10 ఫోర్లు, 3 సిక్సర్లు), కెప్టెన్ మార్క్‌రమ్ (21 బంతుల్లో 37, ఆరు ఫోర్లు) చివరి వరకు క్రీజ్‌లో నిలబడి జట్టును గెలిపించారు. అంతకుముందు టాస్ ఓడి మొదట బ్యాటింగ్ చేసిన పంజాబ్ 20 ఓవర్లలో 9 వికెట్ల నష్టానికి 143 రన్స్‌కే పరిమితమైంది. శిఖర్ ధావన్ (99) మినహా మిగిలిన బ్యాట్స్మెన్ అంతా విఫలమయ్యారు. ఎస్‌ఆర్‌హెచ్ బౌలర్లలో మార్కండే 4 వికెట్లతో చెలరేగగా.. జాన్సన్, ఉమ్రాన్ మాలిక్ చెరో 2 వికెట్లు, భువనేశ్వర్ ఒక వికెట్ పడగొట్టాడు. హైదరాబాద్‌కు ఈ సీజన్‌లో తొలి విజయం కాగా.. పంజాబ్‌కు మొదటి ఓటమి.
