Sunil Gavaskar: మాకేం క్రికెట్ తెల్వదు.. వాళ్ళకి చెప్పడానికి మేం సరిపోము.. టీమిండియాకు ఇచ్చి పడేసిన లెజెండరీ క్రికెటర్

Sunil Gavaskar On Team India 2024 : బోర్డర్-గవాస్కర్ ట్రోఫీలో తొలిసారిగా భారత్ ఐదు టెస్టుల సిరీస్ ఆడింది. ఇందులో ఆస్ట్రేలియా జట్టు 3-1 తేడాతో గెలిచింది. 10 ఏళ్ల తర్వాత ఆస్ట్రేలియా ఈ ట్రోఫీని గెలుచుకుంది. ఈ నేపథ్యంలో టీమిండియాపై సునీల్ గావస్కర్ ఫైర్ అయ్యారు. టీమిండియా ఆటగాళ్లకు పరోక్షంగా చురకలంటించారు.

Sunil Gavaskar On Team India 2024 : బోర్డర్ గావస్కర్ ట్రోఫీని ఆస్ట్రేలియా 3-1 తేడాతో దక్కించుకున్న సంగతి తెలిసిందే. దీంతో ఆసీస్ 10ఏళ్ల తర్వాత తొలిసారిగా ఈ ట్రోఫీని అందుకుంది. ఈ సిరీస్ లో భారత్ కు ఆయా మ్యాచుల్లో పలు ఛాన్సులు వచ్చినా..సద్వినియోగం చేసుకోలేక చేతులెత్తేసింది టీమిండియా. అయితే భారత ఆటగాళ్ల పేలవ ప్రదర్శనపై మాజీ క్రికెటర్ సునీల్ గావస్కర్ కాస్త వ్యంగంగానే స్పందించాడు. సిడ్నీ టెస్టు తర్వాత మ్యాచ్ ప్రజెంటేటర్ తో మాట్లాడిన గావస్కర్ టీమిండియా ఆటగాళ్లపై పరోక్షంగా ఫైర్ అయ్యాడు. 

మ్యాచ్ ముగిసిన అనంతరం మాజీ క్రికెట్ ఇర్ఫాన్ పఠాన్ తో సిరీస్ అఫీషియల్ బ్రాడ్ కాస్టర్ స్టార్ స్పోర్ట్స్ చిట్ చాట్ లో సునీల్ గావస్కర్ మాట్లాడాడు. ఈ క్రమంలోనే భారత్ ప్రదర్శన మెరుగుపడాలంటే ఏంచేయాలని ప్రజెంటేటర్ సునీల్ ను అడిగాడు. దానికి బదులు ఇస్తూ అది చెప్పడానికి మనం ఎవరం? మనకు క్రికెట్ గురించి ఏం తెల్వదు. మనం కేవలం టీవీల్లో మాత్రమే మాట్లాడి డబ్బులు సంపాదిస్తుంటాం కదా. మా మాట మీరు వినకండి. ఒక చెవితో విని...మరో చెవితో వదిలేయండి అంటూ ఫైర్ అయ్యారు. దీంతో ఈ వీడియో ఇప్పుడు సోషల్ మీడియాలో వైరల్ అవుతోంది. భారత జట్టు నిర్మాణంలో సీనియర్ల పాత్ర ఉంటే బాగుంటుందని నెటిజన్లు కూడా తమ కామెంట్స్ లో చెబుతున్నారు. 

కాగా భారత్- ఆస్ట్రేలియా మధ్య ప్రతిష్టాత్మక బోర్డర్-గవాస్కర్ ట్రోఫీ 1996 సంవత్సరంలో ప్రారంభమైంది. ఆ సమయంలో భారత్‌ నుంచి గవాస్కర్, ఆస్ట్రేలియా ఆటగాడు అలెన్ బోర్డర్ మాత్రమే టెస్ట్ క్రికెట్‌లో 10000 కంటే ఎక్కువ పరుగులు చేశారు. ఈ ట్రోఫీకి ఈ ఇద్దరు గొప్ప వ్యక్తుల పేరు పెట్టారు. ఇప్పుడు ఆస్ట్రేలియన్ జట్టు 2024-25 సంవత్సరంలో జరిగిన BGTని 3-1 తేడాతో గెలుచుకుంది.  భారత జట్టు ఘోర పరాజయాన్ని ఎదుర్కోవలసి వచ్చింది. అయితే ఇప్పుడు ఆస్ట్రేలియా జట్టుకు ట్రోఫీని అందించడానికి పిలవకపోవడంపై గవాస్కర్ అసంతృప్తి వ్యక్తం చేశాడు. ఆస్ట్రేలియా జట్టుకు అలన్ బోర్డర్ ట్రోఫీని అందించిన సమయంలో గవాస్కర్ క్రికెట్ గ్రౌండ్‌లో ఉన్నాడు. 

సునీల్ గవాస్కర్ మాట్లాడుతూ అవార్డు వేడుకకు వెళ్లడం ఆనందంగా ఉండేది. ఇది బోర్డర్-గవాస్కర్ ట్రోఫీ. ఇది ఆస్ట్రేలియా, భారత్ కు సంబంధించినది. నేను మైదానంలోనే ఉన్నాను. ఆస్ట్రేలియాకు ట్రోఫీ ఇచ్చినా పట్టించుకోను. మంచి ఆటతో  విజయం సాధించారు. సరే. నేను భారతీయుడిని కాబట్టి.. నా మంచి స్నేహితుడు అలాన్ బోర్డర్‌తో కలిసి ట్రోఫీని అందించినట్లయితే నాకు చాలా ఆనందంగా ఉండేదన్నారు. 

honestly speaking, if the trophy was named after me i'd have been pissed in a similar way

Credits: disney+ hotstar pic.twitter.com/hZemQiUP2G

— s (@_sectumsempra18) January 5, 2025

సిడ్నీ టెస్ట్‌లో విజయం సాధించి భారత జట్టు ట్రోఫీని నిలబెట్టుకున్నట్లయితే, భారత కెప్టెన్ జస్ప్రీత్ బుమ్రాకు ట్రోఫీని అందజేయడానికి సునీల్ గవాస్కర్‌ను పిలిచి ఉండేవాడని సునీల్ గవాస్కర్‌కు తెలుసని క్రికెట్ ఆస్ట్రేలియా తర్వాత ధృవీకరించింది. అలాన్ బోర్డర్, సునీల్ గవాస్కర్‌లను వేదికపైకి ఆహ్వానించి ఉంటే బాగుండేదని మేము భావిస్తున్నామని క్రికెట్ ఆస్ట్రేలియా ప్రతినిధి ఒక ప్రకటనలో తెలిపారు.

ఐదు టెస్టుల సిరీస్‌లో భాగంగా తొలి టెస్టు మ్యాచ్‌లో భారత జట్టు 295 పరుగుల తేడాతో ఘన విజయం సాధించింది. అయితే దీని తర్వాత ఆస్ట్రేలియా జట్టు బలమైన పునరాగమనం చేసి రెండో మ్యాచ్‌లో 10 వికెట్ల తేడాతో విజయం సాధించింది. ఆ తర్వాత మూడో టెస్ట్ మ్యాచ్ వర్షం కారణంగా వాష్ అయి డ్రాగా ముగిసింది. దీని తర్వాత ఆస్ట్రేలియా మెల్‌బోర్న్ -సిడ్నీలలో జరిగిన టెస్ట్ మ్యాచ్‌లను గెలుచుకుంది. సిరీస్‌ను 3-1తో గెలుచుకుంది. 10 ఏళ్ల తర్వాత బోర్డర్-గవాస్కర్ ట్రోఫీని ఆస్ట్రేలియా కైవసం చేసుకుంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.