Apple iPhone Users Alert: యాపిల్ ఐఫోన్ యూజర్స్‌కి యమ డేంజర్ న్యూస్ ఇది. ఒకవేళ మీరు కానీ లేదా మీకు తెలిసిన వాళ్లు కానీ యాపిల్ ఐఫోన్ ఉపయోగిస్తున్నట్టయితే.. ఈ విషయం తెలుసుకుని తీరాల్సిందే. ఐఫోన్ అన్‌లాక్ చేయడానికి ఉపయోగించే పాస్‌వర్డ్‌తోనే క్రిమినల్స్ మాయ చేసి మీ ఫోన్‌తో పాటు అందులో విలువైన డేటాను కూడా దొంగిలించేస్తున్నారు. అదెలా సాధ్యం అవుతుంది.. అయినా ఐఫోన్ విషయం అలాంటి పప్పులు ఏం ఉడకవు లే అని లైట్ తీసుకుంటున్నారా ? ఐతే ఈ డీటేల్స్ పూర్తిగా చదవాల్సిందే.
మ్యాన్‌హటన్‌లో ఒక ఇంటెలిజెన్స్ ఫమ్‌లో సీనియర్ ఎకానమిస్ట్‌గా పనిచేస్తోన్న ఓ మహిళ నుంచి ఐఫోన్ 13 ప్రో మ్యాక్స్ ఫోన్‌ని దొంగిలించిన క్రిమినల్స్.. 24 గంటల్లోపే ఆమె అకౌంట్ నుంచి ఫోటోలు, కాంటాక్ట్స్, నోట్స్ వంటి విలువైన సమాచారాన్ని తస్కరించారు. ఐఫోన్ ఉంటే చాలు.. దాని పాస్‌కోడ్ సహాయంతో ఆ ఫోన్ యజమాని ఐక్లౌడ్ అకౌంట్ పాస్‌వర్డ్ మార్చేయొచ్చు. అదే కానీ జరిగితే.. పోయేది మీ ఐఫోన్ ఒక్కటే కాదు.. ఐక్లౌడ్ ఎకౌంట్ యాక్సిస్ కూడా. అంటే.. ఆ తరువాతి నుంచి మీరు మీ ఐక్లౌడ్ అకౌంట్ యాక్సిస్ కూడా కోల్పోతారన్నమాట.
అంతేకాదు.. ఐఫోన్ యాక్సిస్ చేసిన మరుక్షణమే క్రిమినల్స్ యాక్సిస్ చేసేది ఏంటంటే.. మీ ఫైనాన్సిషియల్ యాప్స్‌నే. అన్నింటికి మించి మరో విషయం ఏంటంటే.. ఎప్పుడైతే చోరీకి గురైన మీ ఐఫోన్‌లో క్రిమినల్స్ పాత పాస్‌వర్డ్ నుంచి కొత్త పాస్‌వర్డ్ చేంజ్ చేస్తారో.. అదే సమయంలో మీ ల్యాప్‌టాప్స్, ఇతర కంప్యూటర్స్ వంటి డివైజెస్‌లో అప్పటి వరకు లాగిన్ అయిన ఐక్లౌడ్ అకౌంట్ లాగౌట్ అయిపోతుంది. మళ్లీ మీ అకౌంట్ యాక్సిస్ చేయడానికి వీల్లేకుండా మీ పాత పాస్‌వర్డ్ రద్దయిపోతుంది.
ఐఫోన్ యూజర్స్‌కి ఇప్పుడు చెప్పబోయే విషయం వింటే అసలైన షాక్ తగులుద్ది. ఎప్పుడైతే క్రిమినల్స్ మీ ఫోన్‌లో కొత్త పాస్‌వర్డ్ క్రియేట్ చేస్తారో.. అదే సమయంలో " ఫైండ్ మై ఐ ఫోన్ " అనే ఫీచర్‌ని డీయాక్టివేట్ చేసేస్తారు. చోరీకి గురైన ఐఫోన్ ని ట్రేస్ చేయడంలో ఫైండ్ మై ఐ ఫోన్ కీలక పాత్ర పోషిస్తుంది. కానీ ఆ ఫీచర్ డీయాక్టివేట్ అవడంతో ఆ తరువాతి నుంచి ఇక ఆ ఫీచర్ పనిచేయదు. ఆ తరువాత క్రిమినల్స్ ఆ ఐఫోన్‌ని మరోచోట విక్రయించినా పట్టుకునే అవకాశం ఉండదు. అదండీ సంగతి !!
