Tecno Spark 20 Pro Price: ప్రముఖ టెక్‌ బ్రాండ్‌ టెక్నో(Tecno) మరో స్మార్ట్ ఫోన్‌ను మార్కెట్‌లోకి విడుదల చేసింది. ఈ స్మార్ట్ ఫోన్‌ను టెక్నో స్పార్క్ 20 ప్రో(Tecno Spark 20 Pro) పేరుతో కంపెనీ విడుదల చేసింది. ఈ మొబైల్‌ పిచ్చెక్కించే లుక్‌తో 8 GB ర్యామ్‌, 256 GB ఇంటర్నల్ స్టోరేజ్‌ వేరియంట్‌లో విడుదల చేసింది. అతి తక్కువ ధరలోనే సెల్ఫీ కోసం కంపెనీ 32 మెగాపిక్సెల్ ఫ్రంట్ కెమెరాను అందిస్తున్న మొట్టమొదటి స్మార్ట్ ఫోన్‌గా ఈ మొబైల్‌ లభించబోతోంది. అయితే ఈ స్మార్ట్ ఫోన్‌కి సంబంధించిన మరిన్ని వివరాలు ఇప్పుడు తెలుసుకుందాం.
ఈ టెక్నో స్పార్క్ 20 ప్రో(Tecno Spark 20 Pro) మొబైల్‌ 108 మెగాపిక్సెల్స్ ప్రధాన కెమెరాను కలిగి ఉంటుంది. దీంతో పాటు 120Hz రిఫ్రెష్ రేట్‌కు సపోర్ట్‌ను అందించే డిస్ల్పేతో లభించనుంది. ఈ మొబైల్‌ మూన్‌లిట్ బ్లాక్, ఫ్రోస్టీ ఐవరీ, సన్‌సెట్ బ్లష్, మ్యాజిక్ స్కిన్ నాలుగు కలర్‌ ఆప్షన్స్‌లో లభిస్తోంది. దీంతో పాటు చాలా రకాల శక్తివంతమైన ఫీచర్స్‌తో మార్కెట్‌లో అందుబాటులో రానుంది.
ఫీచర్‌లు, స్పెసిఫికేషన్స్‌ పూర్తి వివరాలు:
టెక్నో స్పార్క్ 20 ప్రో ఆకర్శనీయమైన పంచ్-హోల్ డిజైన్‌తో 6.78 అంగుళాల ఫుల్‌ HD+ డిస్‌ప్లేను కలిగి ఉంది. ఈ డిస్‌ప్లే 120Hz రిఫ్రెష్ రేట్‌కు సపోర్ట్ చేయడమే కాకుండా 8 GB ర్యామ్‌, 256 GB ఇంటర్నల్ స్టోరేజ్‌తో రాబోతోంది. ఈ మొబైల్‌ ఫోన్‌ Mali G57 MP2 GPUతో ఆక్టా-కోర్ Helio G99 చిప్‌సెట్‌పై పని చేస్తుంది. దీంతో పాటు ఈ మొబైల్‌ డబుల్‌ కెమెరా సెటప్‌, డ్యూయల్ LED ఫ్లాష్‌ను కలిగి ఉంటుంది.
Also Read: Vivo Y27 Price: ఫ్లిఫ్‌కార్ట్‌లో Vivo Y27 మొబైల్‌ కేవలం రూ.12,499కే..ఫీచర్స్‌, స్పెషిఫికేషన్స్‌ వివరాలు..
ఈ మొబైల్‌ ప్రధాన కెమెరా 108-మెగాపిక్సెల్ లెన్స్‌ను కలిగి ఉంటుంది. సెకండరీ లెన్స్ 0.08-మెగాపిక్సెల్‌తో రాబోతోంది. సెల్ఫీ, వీడియో కాలింగ్‌ కోసం కంపెనీ ఈ స్మార్ట్ 32 మెగాపిక్సెల్ ఫ్రంట్ కెమెరాను అందిస్తోంది. అలాగే 5000mAh బ్యాటరీ, 33 వాట్ల ఫాస్ట్ ఛార్జింగ్‌ సపోర్ట్‌ను కలిగి ఉంటుంది. ఇక OS విషయానికొస్తే..ఈ స్మార్ట్ ఫోన్‌ Android 13పై పని చేస్తుంది. ఇక సెక్యూరుటీ కోసం సైడ్-మౌంటెడ్ ఫింగర్ ప్రింట్ సెన్సార్‌తో రాబోతోంది.
కనెక్టివిటీ స్పెషిఫికేషన్స్‌ విషయానికొస్తే..ఈ స్మార్ట్ ఫోన్‌ డ్యూయల్ సిమ్ సపోర్ట్, 4G VoLTE, Wi-Fi 802.11 b/g/n/ac, బ్లూటూత్, GPS ఫీచర్స్‌ను కలిగి ఉంటుంది. దీంతో పాటు USB టైప్-సి పోర్ట్ కూడా లభిస్తోంది. అయితే కంపెనీ ఈ టెక్నో స్పార్క్ 20 ప్రో(Tecno Spark 20 Pro) స్మార్ట్ ఫోన్‌ను ఫిలిప్పీన్స్‌లో విడుదల చేసిన సంగతి తెలిసిందే. దీని ధర విషయానికొస్తే..మార్కెట్‌లో ధర PHP 5599 (సుమారు రూ. 8,400)లతో విక్రయిస్తోంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
