హైదరాబాద్: తెలంగాణలో కరోనా మహమ్మారి విలయ తాండవం ప్రదర్శిస్తోంది. కాగా శనివారం కొత్తగా 253 కరోనా (Covid-19) పాజిటివ్‌ కేసులు నమోదయ్యాయని, గడచిన 24 గంటల్లో 8 మంది మృతిచెందారని రాష్ట్ర ఆరోగ్య శాఖ అధికారికంగా వెల్లడించింది. ఇప్పటివరకు తెలంగాణలో మొత్తం కేసుల సంఖ్య 4,288కు చేరిందని, ప్రస్తుతం రాష్ట్రంలో 2,203 మంది ఆస్పత్రిలో చికిత్స పొందుతున్నారని పేర్కొన్నారు.
Also Read: అమలకు రైతులు ఫిదా..
అయితే మొత్తం కేసుల్లో 2,352 మంది కోలుకోగా 182 మంది కరోనా బారినపడి మఱైనిచ్చారని తెలిపారు. ఇదిలాఉంటే కేవలం హైదరాబాద్‌లోనే మరో 179 కేసులు నమోదయ్యాయని, సంగారెడ్డి(24), మేడ్చల్‌(14), రంగారెడ్డి(11), మహబూబ్‌నగర్‌(4), వరంగల్‌(4), కరీంనగర్‌(2), నల్గొండ(2), ములుగు(2, సిరిసిల్ల(2), మంచిర్యాల(2) ఇవాళ కేసులు నమోదయ్యాయని, సిద్ధిపేట, ఖమ్మం, మెదక్‌, నిజామాబాద్‌ జిల్లాల్లో ఒక్కో కేసు నిర్ధారణ అయిందని వెల్లడించారు.
