Hyderabad Traffic Restrictions: హైదరాబాద్ వాసులకు అలర్ట్.. మూడు నెలలపాటు ట్రాఫిక్ ఆంక్షలు

Traffic Diversion In Hyderabad: గచ్చిబౌలి జంక్షన్‌ నుంచి కొండాపూర్‌ రోడ్డు వైపు శిల్పా లేవుట్‌ ఫేజ్‌-2 ఫ్లై ఓవర్‌ పనుల నేపథ్యంలో హైదరాబాద్‌లో మూడు నెలలపాటు వాహనాల మళ్లింపు ఉండనుంది. వాహనదారులు గమనించాలని ట్రాఫిక్ పోలీసులు కోరుతున్నారు.

Traffic Diversion In Hyderabad: హైదరాబాద్ గచ్చిబౌలిలో మరో మూడు నెలలు ట్రాఫిక్ ఆంక్షలు అమలులో ఉండనున్నాయి. గచ్చిబౌలి జంక్షన్‌ నుంచి కొండాపూర్‌ రోడ్డు వైపు శిల్పా లేవుట్‌ ఫేజ్‌-2 ఫ్లై ఓవర్‌ పనులు చేపట్టనున్నారు. దీంతో ట్రాఫిక్ మళ్లిస్తున్నట్లు సైబరాబాద్‌ జాయింట్‌ సీపీ (ట్రాఫిక్‌) నారాయణ్‌ నాయక్‌ వెల్లించారు. ఈ నెల 13 నుంచి ఆంక్షలు అమలు చేస్తున్నట్లు చెప్పారు. ఆగస్టు 10వ తేదీ వరకు వాహనాల మళ్లింపు ఉంటుందని తెలిపారు. వాహనదారులు గమనించాలని కోరారు. 

ఈ ప్రాంతాల్లో వాహనాల మళ్లింపు ఇలా..

==> ORR వైపు నుంచి హఫీజ్‌పేటకు శిల్పా లేఅవుట్‌ పై వంతెన నుంచి మీనాక్షి టవర్స్‌, డెలాయిట్‌, ఏఐజీ ఆసుపత్రి, క్యూమార్ట్‌, కొత్తగూడపై బ్రిడ్జ్‌ మీదుగా వెళ్లాలి.

==> టెలికామ్‌ నగర్‌ నుంచి కొండాపూర్‌కు వచ్చే వాహనాలు గచ్చిబౌలి పై వంతెన కింద యూటర్న్‌ తీసుకోవాలి. అక్కడి నుంచి శిల్పాలేఅవుట్‌ పై వంతెన నుంచి మీనాక్షి టవర్స్‌, డెలాయిట్‌, AIG ఆసుపత్రి, క్యూ మార్ట్‌, కొత్తగూడ మార్గం గుండా రావాలి.

==> లింగంపల్లి నుంచి కొండాపూర్‌ వైపునకు వచ్చే వాహనాలు గచ్చిబౌలి ట్రాఫిక్‌ PS‌ నుంచి డీఎల్‌ఎఫ్‌, రాడిసన్‌ హోటల్‌, కొత్తగూడ మీదుగా వెళ్లాల్సి ఉంటుంది.

==> నానక్‌రాంగూడ విప్రో జంక్షన్‌ నుంచి ఆల్విన్‌ చౌరస్తా వైపునకు వెళ్లే వాహనాలు.. ట్రిపుల్‌ ఐటీ కూడలి వద్ద ఎడమ వైపు వెళ్లాలి. అక్కడి నుంచి గచ్చిబౌలి స్టేడియం ముందు యూటర్న్‌ తీసుకుని DLF, రాడిసన్‌ హోటల్‌ రోడ్డులో వెళ్లాలి.

==> టోలిచౌకి నుంచి ఆల్విన్‌ చౌరస్తాకు వచ్చే వాహనదారులు.. రాయదుర్గం బయోడైవర్సిటీ పార్కు కూడలి నుంచి మైండ్‌స్పేస్‌, సైబర్‌ టవర్స్‌, కొత్తగూడ జంక్షన్‌ మీదుగా వెళ్లాల్సి ఉంటుంది.

==> ఆల్విన్‌ కాలనీ నుంచి లింగంపల్లికి వచ్చే వారు.. బొటానికల్‌ గార్డెన్‌ జంక్షన్‌ మీదుగా మసీదు బండ, HCU RTC డిపో రోడ్డును అనుసరించాలని ట్రాఫిక్ పోలీసులు సూచించారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.