Telangana, AP Rains News Live Updates: తెలంగాణ, ఏపీలో భారీ వర్షాలు కురుస్తున్నాయి. ఒకవైపు గ్రామీణ ప్రాంతాల్లో భారీ వర్షాపాతం నమోదవుతుండగా.. మరోవైపు హైదరాబాద్, విజయవాడ, రాజమండ్రి వంటి నగరాలు భారీ వర్షాలకు తడిసి ముద్దయి వీధులు సైతం నదులను తలపిస్తున్నాయి. రెండు రాష్ట్రాల్లో మరో రెండు రెండు రోజుల పాటు భారీ నుంచి అతి భారీ వర్షాలు కురిసే అవకాశం ఉందని వాతావరణ నివేదికలు చెబుతున్నాయి. మరీ ముఖ్యంగా తెలంగాణలో 25వ తేదీ నుంచి 27వ తేదీ వరకు భారీ నుంచి అతి భారీ వర్షాలు కురుస్తాయని వాతావరణ శాఖ హెచ్చరించింది. వాతావరణ శాఖ నివేదికలకు తగినట్టుగానే రెండు రాష్ట్రాల్లోను అక్కడక్కడ ఆకాశానికి చిల్లు పడిందా అన్నట్టుగా భారీ నుంచి అతి భారీ వర్షాలు కురుస్తున్నాయి. దీంతో ప్రాజెక్టులు నిండు కుండలను తలపిస్తున్నాయి. అనేక ప్రాజెక్టుల్లో గేట్లు ఎత్తి నీటిని విడుదల చేస్తున్నారు. తెలంగాణ, ఏపీలో భారీ వర్షాలకు సంబంధించిన మరిన్న వార్తలు, వీడియోల కోసం ఈ లైవ్ బ్లాగ్ పేజీని అనుసరించండి.
