Hyderabad Rains Live Updates: హైదరాబాద్‌లో భారీ ట్రాఫిక్ జామ్.. నిలిచిపోయిన వాహనాలు

Telangana Weather Live Updates: హైదరాబాద్‌లో భారీ ట్రాఫిక్ జామ్ అయింది. జూబ్లీహిల్స్‌ రోడ్‌ నంబర్‌ 45లో వాహనాలు భారీగా నిలిచిపోయాయి. రోడ్‌ నంబర్‌ 45 నుంచి ఐకియా చౌరస్తా వరకు ట్రాఫిక్‌ నిలిచిపోయింది. గచ్చిబౌలి బయోడైవర్సిటీ నుంచి కోహినూర్‌ హోటల్ వరకు, విప్రో జంక్షన్‌లో భారీగా ట్రాఫిక్ జామ్ అయింది. దీంతో వాహనదారులు తీవ్ర ఇబ్బందులు పడుతున్నారు.

Telangna Weather Live Updates: రాజన్న సిరిసిల్ల జిల్లా పిడుగుపాటుతో ఇద్దరువ్యక్తులు మృతి చెందారు. తంగలపల్లి మండలం ఇందిరానగర్ గ్రామంలో రుద్రారపు చంద్రయ్య అనే రైతు తన పొలం వద్ద పొలం  పనులు చేసుకుంటుండగా.. పిడుగు పడి అక్కడిక్కడే మృతి చెందాడు. వేములవాడ మున్సిపల్ పరిధిలోని శాత్రాజ్ పల్లిలో పిడుగుపాటుతో కంబల్ల శ్రీనివాస్ (30) అనే వ్యక్తి మృతి చెందగా.. మరో నలుగురికి గాయాలు అయ్యాయి. 

Just ippude naa boat lo nenu AAA Cinimas nundi bayalu deraa..#HyderabadRains pic.twitter.com/O1M4TNyJ5r

— Phani Kandukuri (@phanikandukuri1) May 16, 2024

ఉప్పల్ లో ప్రస్తుత పరిస్థితి

Ila taduatundi sir ?️ pic.twitter.com/yh0PBnYBbo

— GETUPSRINU (@getupsrinu3) May 16, 2024

Hyderabad Weather Live Updates: గ్రేటర్ హైదరాబాద్‌  పరిధిలో భారీ వర్షపాతం నమోదైంది. అరగంటలో అత్యధికంగా 5 సెంటీ మీటర్ల వాన పడింది. యూసఫ్‌గూడలో 5.1 సెంటీ మీటర్లు, ఖైరతాబాద్‌లో 4.8, ఆదర్శ నగర్ లో 4.4, శ్రీనగర్ కాలనీలో 4.2, బాలానగర్ ఫిరోజ్ గూడలో 4.2, బంజారాహిల్స్ 4.2, రాయదుర్గంలో 4 సెంటీమీటర్ల వర్షపాతం నమోదైంది.
 

Hyderabad Weather Live Updates: హైదరాబాద్‌తో పాటు వర్షం పడుతున్న ప్రాంతాల్లో అధికారులు అప్రమత్తంగా ఉండాలని ముఖ్యమంత్రి రేవంత్ రెడ్డి సూచించారు. సచివాలయం నుంచి అన్ని విభాగాల అధికారులతో సీఎం మాట్లాడారు. ప్రజలకు ఎక్కడా ఇబ్బంది లేకుండా అవసరమైన చర్యలు చేపట్టాలని ఆదేశించారు. 
 

Hyderabad Rains Live Updates: హైదరాబాద్‌ నగరంలో భారీ వర్షం కారణంగా రోడ్లపై నీరు చేరింది. దీంతో వాహనదారులు ఇబ్బందులు పడుతున్నారు. పలు చోట్ల ట్రాఫిక్‌కు అంతరాయం ఏర్పడుతోంది.

Heavy Rain in #Gachibowli Circle⛈️#Hyderabadrains pic.twitter.com/F24LXSfV7Q

— Hyderabad Rains (@Hyderabadrains) May 16, 2024

Hyderabad Rains Live Updates: హైదరాబాద్‌లో భారీ వర్షం కురుస్తుండడంతో నేడు సన్‌రైజర్స్, గుజరాత్ టైటాన్స్‌ జట్ల మధ్య జరగాల్సిన మ్యాచ్‌పై అనుమానాలు నెలకొన్నాయి. మరో రెండు గంటలు భారీ వర్షాలు ఉండడంతో మ్యాచ్‌ జరగడం అనుమానంగా మారింది. ఒక వర్షం కారణంగా మ్యాచ్‌ రద్దయితే.. సన్‌రైజర్స్ హైదరాబాద్ నేరుగా ప్లే ఆఫ్స్‌లో అడుగుపెడుతుంది.

Hyderabad Rains Live Updates: హైదరాబాద్ వ్యాప్తంగా సుమారు గంట నుంచి ఏకధాటిగా వాన పడుతోంది. దీంతో రోడ్లన్నీ నదులను తలపిస్తున్నాయి. జీహెచ్‌ఎంసీ టోల్ ఫ్రీ నంబర్లను అందుబాటులో ఉంచింది. సహాయం కోసం 040-21111111 లేదా 9000113667 నంబర్లకు ఫోన్ చేయాలని పేర్కొంది. వర్షం వేళ అవసరమైతే తప్ప ప్రజలు ఇళ్లలో నుంచి బయటకు రావొద్దని సూచించింది.