મુસ્લિમ એક્ટરે મોદી સરકારને કરી અપીલ, પાકિસ્તાનના હિંદુઓને મળે ભારતીય નાગરિકત્વ !

નવી દિલ્હી : પાકિસ્તાનમાં ગેર ઇસ્લામિક લોકો પર અત્યાચારના સમાચાર આવી રહ્યા છે અને આ સમાચારોથી બોલિવૂડનો એક એક્ટર બહુ અપસેટ છે. તેણે હવે મોદી સરકારને પાકિસ્તાનના ગેર ઇસ્લામિક લોકોને ભારતનું નાગરિકત્વ આપવાની અપીલ કરી દીધી છે. આ અપીલને કારણે તેઓ ટ્વિટર પર છવાઈ ગયા છે. 

બોલિવૂડ એક્ટર કમાલ આર ખાન (Kamaal R Khan) હંમેશા ટ્વિટર પર એક્ટિવ રહે છે. તે મોટાભાગના રાજકીય મુદ્દાઓ પર પોતાનો પ્રતિભાવ આપતો રહે છે. હવે KRK એક નવા કારણથી ચર્ચામાં છે. એક સમયે પીએમ મોદીનો વિરોધ કરનાર KRKએ મોદી સરકારને માનવીય અપીલ કરી છે. 

I request to government of India to give Indian nationality to all the Hindus, Sikhs and Christians, who are staying in Pakistan, so that they can live happily in India. They can’t live happily in the country like Pakistan.

— KRK (@kamaalrkhan) September 3, 2019

આ ટ્વિટમાં KRKએ ભારત સરકારને સંબોધન કરીને ભાવુક સંદેશો લખ્યો છે. તેણે પોતાના ટ્વિટમાં લખ્યું છે કે, "હું ભારત સરકારને અપીલ કરું છું કે પાકિસ્તાનમાં રહેતા હિંદુ, સિખ અને ઇસાઇ ધર્મના લોકોને ભારતીય નાગરિકતા આપી દે જેથી એ લોકો આરામથી રહી શકે. તેઓ પાકિસ્તાનમાં આરામથી નથી રહી શકતા. 

કમાલ આર ખાન (Kamaal R Khan)ને ફિલ્મ દેશદ્રોહીથી બોલિવૂડમાં એન્ટ્રી લીધી હતી. આ પછી તે સલમાનના શો બિગ બોસ 3માં ચર્ચાનો મુદ્દો બન્યો હતો. હવે તે પોતાના ફિલ્મ રિવ્યુને કારણે ચર્ચામાં છે. તેનો સાહો (Saaho)નો રિવ્યુ જબરદસ્ત વાઇરલ થઈ છો.