તામિલનાડુની અનુકૃતિ બની મિસ ઇન્ડિયા, લાગે છે પરી જેવી સુંદર

નવી દિલ્હી : ફેમિલા મિસ ઇન્ડિયા 2018નું પરિણામ આવી ગયું છે. મિસ ઇન્ડિયા 2018નો ખિતાબ તામિલનાડુની અનુકૃતિ વાસે જીતી લીધો છે. અનુકૃતિએ 29 સ્પર્ધકોને હરાવીને આ ખિતાબ જીત્યો છે. મોડી રાત સુધી ચાલેલી આ સ્પર્ધામાં મિસ વર્લ્ડ માનુષી છિલ્લરે અનુકૃતિને તાજ પહેરાવ્યો હતો. 

મુંબઈમાં આયોજિત આ સ્પર્ધામાં હરિયાણાની મીનાક્ષી ચૌધરી ફર્સ્ટ રનર અપ અને આંધ્ર પ્રદેશની શ્રેયા રાવ સેકન્ડ રનર અપ બની છે. આ સિવાય ટોપ 5માં દિલ્હીની ગાયત્રી ભારદ્વાજ તેમજ ઝારખંડની સ્ટેફી પટેલ પણ શામેલ છે. 

TOP 5 of @fbb_india @ColorsTV @feminamissindia 2018 finale
Gayatri Bhardwaj - Miss India Delhi
Meenakshi Chaudhary - Miss India Haryana
Stefy Patel - Miss India Jharkhand
Anukreethy Vas - Miss India Tamil Nadu
Shreya Rao Kamavarapu - Miss India Andhra Pradesh #MissIndiaFinale pic.twitter.com/BaN0pbshzH

— Miss India (@feminamissindia) June 19, 2018

સ્પર્ધાની ઓપનિંગમાં બોલિવૂડ સ્ટાર્સે ધમાકેદાર પર્ફોમન્સ આપ્યું હતું. આ સ્પર્ધાની વિજેતા અનુકૃતિ પ્રોફેશનલ ખેલાડી અને ડાન્સર છે. તે પોતાની માતાનું સપનું કરવા માટે ફ્રેન્ચમાં બીએ કરી રહી છે. અનુકૃતિને બાઇક ચલાવવાનું પસંદ છે અને સુપરમોડલ બનવા ઇચ્છે છે. 

આ સ્પર્ધાની જજ પેનલમાં બોલિવૂડ એક્ટ્રેસ મલાઇકા અરોરા, એક્ટર બોબી દેઓલ, કુણાલ કપૂર, ક્રિકેટર ઇરફાન પઠાણ અને કે.એલ. રાહુલ શામેલ થયા છે. આ સિવાય 2017માં મિસ વર્લ્ડનો ખિતાબ જીતનાર માનુષી છિલ્લર પર હાજર હતી. આ કાર્યક્રમનું હોસ્ટિંગ કરણ જોહર અને આયુષ્યમાન ખુરાનાએ કર્યું છે. હવે અનુકૃતિ 2018માં મિસ વર્લ્ડ સ્પર્ધામાં ભારતનું પ્રતિનિધિત્વ કરે છે.