Picture of the day : ગૌરીને પ્રેમથી કેક ખવડાવી શાહરૂખે, ખાસ મિત્રએ કરી અંગત ક્ષણ વાઇરલ

મુંબઈ : 2 નવેમ્બર, 1965ના દિવસે જન્મેલા શાહરૂખ ખાનનો જન્મદિવસ છે. આ જન્મદિવસનું એડવાન્સ સેલિબ્રેશન કરવા માટે ગઈકાલે મધરાતે 12 વાગ્યે તેના ઘરની બહાર ચાહકોનો મોટો જમાવડો થયો હતો. મુંબઈના બાંદરાના બેન્ડસ્ટેન્ડ વિસ્તારમાં શાહરૂખનો બંગલો 'મન્નત' આવેલો છે અને આ બંગલાની બહાર મોટી સંખ્યામાં ચાહકોએ જમા થઈને બર્થ-ડે સેલિબ્રેશન કર્યું હતું. આ જન્મદિવસ સેલિબ્રેશન વખતે શાહરૂખના ખાસ મિત્ર ફિલ્મમેકર કરણ જોહરે તો શાહરૂખ અને પત્નીની અંગત રોમેન્ટિક ક્ષણ ક્લિક કરીને એને વાઇરલ કરી નાખી છે.  

આ તસવીરમાં કિંગ ખાન સાથે ગૌરી ખાન પણ નજરે ચડે છે. ગૌરી બહુ પ્રેમથી શાહરૂખને કેક ખવડાવી રહી છે. આ તસવીર જોઈને જાણે તેમની વચ્ચે નવોનવો પ્રેમ હોય એવું જ લાગી રહ્યું છે. આ તસવીર સાથે કરણે મેસેજ લખ્યો છે કે ''હેપી બર્થ-ડે ભાઈ. 25 વર્ષથી તમે અને ગૌરી મારા જીવનનો ખાસ હિસ્સો છો.''

શાહરૂખ આ વર્ષે 'ઝીરો'માં જોવા મળશે. આ ફિલ્મ 21 ડિસેમ્બરે અને એનું ટ્રેલર આજે તેના જન્મદિવસે રિલીઝ થવાનું છે. આ ફિલ્મને જબરદસ્ત સફળતા મળશે એવી ચર્ચા છે. શાહરૂખને જન્મદિવસની શુભેચ્છા આપતા કરણ જોહરે પોતાની લાગણી વ્યક્ત કરી છે કે 'ઝીરો' તારી સૌથી મોટી બ્લોકબસ્ટર સાબિત થાય એવી અપેક્ષા.