અમદાવાદ : 13મા માળથી કૂદેલી મહિલાનું મોત, જે વૃદ્ધ પર પડી તેમનું પણ મોત થયું
અમદાવાદના ખોખરા વિસ્તારનો વિચિત્ર બનાવ સામે આવ્યો છે. જેમાં એક મહિલા અને યુવકનું મોત નિપજ્યું છે. બન્યું એમ હતું કે, ખોખરા વિસ્તારમાં બહુમાળીય પરિષકાર બિલ્ડીંગ આવેલી છે. ત્યારે આ બિલ્ડીંગના 13મા માળેથી એક મહિલાએ નીચે ઝંપલાવ્યું હતું. પરંતુ મહિલા જ્યાં નીચે પડી ત્યાં એક યુવક ઉભો. તેથી મહિલા સીધી જ યુવક પર પટકાઈ હતી. સમગ્ર ઘટનામાં યુવક અને મહિલા બંનેનું મોત નિપજ્યું છે. તો બીજી તરફ, બનાવની જાણ થતા જ ખોખરા પોલીસ ઘટના સ્થળે પહોંચી હતી. પ્રાથમિક તપાસમાં જાણવા મળ્યું કે, મહિલા અસ્થિર હોવાની શક્યતા છે.
Trending Photos
- 8
- 5
- 5
- 6
)
ઉદય રંજન/અમદાવાદ :અમદાવાદ (Ahmedabad)ના ખોખરા વિસ્તારનો વિચિત્ર બનાવ સામે આવ્યો છે. જેમાં એક મહિલા અને વૃદ્ધનું મોત નિપજ્યું છે. બન્યું એમ હતું કે, ખોખરા વિસ્તારમાં બહુમાળીય પરિષકાર બિલ્ડીંગ આવેલી છે. ત્યારે આ બિલ્ડીંગના 13મા માળેથી એક મહિલાએ નીચે ઝંપલાવ્યું (Suicide) હતું. પરંતુ મહિલા જ્યાં નીચે પડી ત્યાં એક વૃદ્ધ ઉભા હતા. તેથી મહિલા સીધી જ વૃદ્ધ પર પટકાઈ હતી. સમગ્ર ઘટનામાં વૃદ્ધ અને મહિલા બંનેનું મોત નિપજ્યું છે. તો બીજી તરફ, બનાવની જાણ થતા જ ખોખરા પોલીસ ઘટના સ્થળે પહોંચી હતી. પ્રાથમિક તપાસમાં જાણવા મળ્યું કે, મહિલા અસ્થિર હોવાની શક્યતા છે.
પ્રાપ્ત માહિતી અનુસાર, અમદાવાદના ખોખરા વિસ્તારમાં પરિષ્કાર નામની બિલ્ડીંગના ઈ બ્લોકમાંથી એક મહિલાએ નીચે ઝંપલાવ્યું હતું. આ મહિલાનું નામ મમતા કાઠી (ઉંમર 30 વર્ષ) છે, જે સુરતથી અમદાવાદ રહેતા પોતાના ભાઈના ઘરે સારવાર આવી હતી. ત્યારે મહિલાએ પરિવારના લોકોથી નજર ચૂકવીને 13મા માળે ગઈ હતી, અને ત્યાંથી નીચે કૂદકો માર્યો હતો. પરંતુ આ ઘટનામાં અકારણ જ એક વૃદ્ધનો જીવ ગયો હતો.
અસ્થિર મગજની આ મહિલા બિલ્ડીંગમાં નીચે ઉભેલા 69 વર્ષના બાબુભાઈ ગામીત નામના વૃદ્ધ પર પડી હતી. જેમાં બાબુભાઈનું પણ કમકમાટીભર્યું મોત નિપજ્યું હતું. એકસાથે બે મોતથી સમગ્ર પરિષ્કાર કેમ્પસમાં અરેરાટી ફેલાઈ ગઈ હતી.
સમગ્ર ગુજરાતના લેટેસ્ટ સમાચાર, જુઓ LIVE TV :
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
