ક્યાં સુધી આવશે કોરોના વાયરસની વેક્સિન? હર્ષવર્ધન બોલ્યા- આ વર્ષના અંત સુધી

નવી દિલ્હીઃ કોરોના વાયરસ (Corona Virus)ની મહામારી વચ્ચે વિશ્વના ઘણા દેશો તેની વેક્સિન પર કામ કરી રહ્યાં છે. રશિયાએ વિશ્વની પ્રથમ કોરોના વેક્સિન બનાવવાનો દાવો કર્યો છે. તો ભારત અને અમેરિકા સહિત વિશ્વના ઘણા દેશો હજુ ક્લિનિકલ ટ્રાયલના તબક્કામાં છે. વેક્સિનને લઈને લગાવવામાં આવી રહેલી અટકળો વચ્ચે કેન્દ્રીય સ્વાસ્થ્ય મંત્રી ડોક્ટર હર્ષવર્ધને તેને લઈને મોટું નિવેદન આપ્યું છે. 

ડોક્ટર હર્ષવર્ધને કહ્યુ કે, જો બધુ બરાબર રહ્યું તો ભારત આ વર્ષના અંત સુધી કોરોનાની વેક્સિન હાસિલ કરી લેશે. સ્વાસ્થ્ય મંત્રીએ પોતાના ટ્વીટમાં કહ્યું કે, કોરોના વેક્સિન ક્યાં સુધી આવશે, તે સવાલના જવામાં અમે આ કહ્યું છે. ઉલ્લેખનીય છે કે વિશ્વભરમાં આશરે 170 વેક્સિન પર કામ ચાલી રહ્યું છે. વિશ્વ સ્વાસ્થ્ય સંગઠન પ્રમાણે વિશ્વની ઓછામાં ઓછી 30 વેક્સિન હ્યૂમન ટ્રાયલના અંતિમ તબક્કામાં છે. 

कब तक आएगी #कोरोना की #vaccine ?

पत्रकारों के इस सवाल पर मैंने उम्मीद जताई कि अगर सब कुछ ठीक रहा तो भारत इस साल के आखिर तक #coronavaccine हासिल कर लेगा। @MoHFW_INDIA @CSIR_IND @NDRFHQ pic.twitter.com/zqAxftKUdt

— Dr Harsh Vardhan (@drharshvardhan) August 22, 2020

તેમાં ભારતની ભારત બાયોટેકની વેક્સિન પણ સામેલ છે, જેની હ્યૂમન ટ્રાયલ છેલ્લી તબક્કામાં છે. ભારતની બે કંપનીઓની વેક્સિનની હ્યૂમન ટ્રાયલ ચાલી રહી છે. તેમાં ભારત બાયોકેટની કોવેક્સિન અને ઝાયડસની વેક્સિન છે. આ સિવાય બ્રિટનની ઓક્યફોર્ડ યુનિવર્સિટીની વેક્સિન કોવિશીલ્ડની પણ ભારતમાં હ્યૂમન ટ્રાયલ ચાલી રહી છે. 

રશિયાએ પણ પોતાની વેક્સિનના મોટા પાયે ઉત્પાદન માટે ભારતની ભાગીદારીની ઈચ્છા વ્યક્ત કરી છે. મહત્વનું છે કે ભારત બાયોટેક અને ઝાયડસની વેક્સિનની ક્લીનિકલ ટ્રાયલના પરિણામ આ વર્ષના અંત સુધી આવવાની આશા વ્યક્ત કરવામાં આવી રહી છે. પરિણામ આવ્યા બાદ વેક્સિન ઉપલબ્ધ થવામાં એક મહિનાનો સમય લાગી શકે છે.