Delhi: AIIMS ના ઈમરજન્સી વોર્ડ પાસે ભીષણ આગ ફાટી નીકળી, ફાયરની 8 ગાડીઓ ઘટનાસ્થળે

Delhi AIIMS : દિલ્હી એઈમ્સના ઈમરજન્સી વોર્ડ પાસે ભીષણ આગ ફાટી નીકળી છે. માહિતી મળતાં જ ફાયર વિભાગની 8 ગાડીઓ ઘટનાસ્થળે પહોંચી ગઈ છે. આગ પર કાબૂ મેળવવાના પ્રયાસો કરવામાં આવી રહ્યા છે. સોમવારે સવારે લગભગ 11.54 વાગ્યે આગ લાગી હતી.

દિલ્હી એઈમ્સના ઈમરજન્સી વોર્ડ પાસે એન્ડોસ્કોપી રૂમમાં આગ ફાટી નીકળી હતી. માહિતી મળતાં જ ફાયર વિભાગની 8 ગાડીઓ ઘટનાસ્થળે પહોંચી ગઈ છે.  અકસ્માત બાદ ઉતાવળમાં તમામ દર્દીઓને ઈમરજન્સી વોર્ડમાંથી બચાવીને અન્ય સ્થળે ખસેડવામાં આવ્યા હતા.

#WATCH | Delhi: A fire broke out in the endoscopy room of AIIMS. All people evacuated.

More than 6 fire tenders sent, say Delhi Fire Service

Further details are awaited. pic.twitter.com/u8iomkvEpX

— ANI (@ANI) August 7, 2023

જણાવી દઈએ કે દિલ્હીની AIIMS હોસ્પિટલમાં દેશભરમાંથી દર્દીઓ સારવાર માટે આવે છે. એટલું જ નહીં બહારથી આવતા લોકોનો આવવા જવાનો ક્રમ ચાલે છે. માહિતી અનુસાર, દરરોજ લગભગ 12 હજાર દર્દીઓ સારવાર માટે દિલ્હી એમ્સમાં પહોંચે છે.

ફાયર બ્રિગેડની ગાડીઓ આગ ઓલવવાનો પ્રયાસ કરી રહી છે. લોકોને બચાવવામાં આવી રહ્યા છે. આગ એટલી પ્રબળ છે કે તેના ધુમાડાના ગોટેગોટા દેખાઈ રહ્યાં છે. નવીનતમ અપડેટ મુજબ, ઈમરજન્સી વોર્ડની ઉપર લાગેલી આગ પર કાબુ મેળવી લેવામાં આવ્યો છે. દર્દીઓને વોર્ડમાંથી બહાર કાઢવામાં આવ્યા છે. રાહતની વાત એ છે કે હજુ સુધી કોઈ જાનહાની થઈ નથી.