કાશ્મીર: ગાંદરબલમાં સુરક્ષાદળોને મોટી સફળતા મળી, એન્કાઉન્ટરમાં 3 આતંકીઓનો ખાતમો

નવી દિલ્હી/શ્રીનગર: આતંકવાદ (Terrorism) વિરુદ્ધની લડતમાં ભારતીય સુરક્ષાદળો (Indian Security Forces)ને આજે મોટી સફળતા મળી છે. મધ્ય કાશ્મીર (Kashmir)ના ગાંદરબલમાં સુરક્ષાદળોએ અથડામણ દરમિયાન 3 આતંકીઓને ઠાર કર્યાં. આ અથડામણ નારાનાગ વિસ્તારના જંગલોમાં થઈ. જ્યાં સુરક્ષાદળોએ 3 આતંકીઓનો સફાયો કરવામાં સફળતા મેળવી. 

મળતી માહિતી મુજબ ત્રણેય આતંકીઓ પાસેથી મોટા પ્રમાણમાં ગોળા બારૂદ મળી આવ્યો છે. કહેવાય છે કે આ ત્રણ આતંકીઓ વિદેશી હતાં. જો કે સુરક્ષાદળો હજુ પણ વિસ્તારમાં સર્ચ ઓપરેશન કરી રહી છે. 

જુઓ VIDEO

ઉલ્લેખનીય છે કે આજે સવારે જ ડોડાના બટોત વિસ્તારમાં સેનાના કાફલા પર આતંકીઓએ ગ્રેનેડ હુમલો કર્યો હતો. આ  ઘટના બાદ સુરક્ષાદળોએ આતંકીઓની શોધ માટે સર્ચ ઓપરેશન શરૂ કર્યું હતું. આતંકી હુમલા બાદ ડોડામાં સુરક્ષા ચુસ્ત બનાવવામાં આવી હતી અને આતંકીઓની શોધ કરાઈ.