CAA: પ્રદર્શનકારીઓને બચાવવા માટે રાહુલ અને પ્રિયંકાએ ખખડાવ્યો NHRCનો દરવાજો

નવી દિલ્હીઃ સંશોધિત નાગરિકતા કાયદો (Citizenship Amendment Act 2019)ના વિરોધની આડમાં કથિત રૂપથી હિંસા કરનાર ઉપદ્રવિયો વિરુદ્ધ ઉત્તર પ્રદેશ પોલીસની કાર્યવાહી વિરુદ્ધ કોંગ્રેસના એક પ્રતિનિધિ મંડળે માનવ અધિકાર આયોગ (National Human Rights Commission, NHRC)નો દરવાજો ખખડાવ્યો છે. પ્રતિનિધિમંડળના નેતા સોમવારે રાષ્ટ્રીય માનવાધિકાર આયોગના કાર્યાલય પહોંચ્યા અને પ્રદર્શનકારીઓ વિરુદ્ધ યૂપી પોલીસની કાર્યવાહી લઈને ફરિયાદ નોંધાવી છે. 

સૂત્રોએ જણાવ્યું કે, પ્રતિનિધિમંડળમાં સામેલ કોંગ્રેસના પૂર્વ અધ્યક્ષ રાહુલ ગાંધી અને મહાસચિવ પ્રિયંકા ગાંધી વાડ્રાએ આયોગના વરિષ્ઠ પદાધિકારીઓ સાથે મુલાકાત કરી અને તેમની સમક્ષ ઉત્તર પ્રદેશમાં 'પોલીસ બર્બરતા' વિશે ફરિયાદ કરી અને વિસ્તૃત તપાસની માગ કરી છે. આ પ્રતિનિધિમંડળમાં રાહુલ અને પ્રિયંકા ગાંધી સિવાય કોંગ્રેસ નેતા અભિષેક મનુ સિંઘવી, મોહસિના કિદવઈ, સલમાન ખુર્શીદ, જિતિન પ્રસાદ, રાજીવ શુક્લા અને ઉત્તર પ્રદેશ કોંગ્રેસ કમિટીના અધ્યક્ષ અજય કુમાર લલ્લૂ પણ હાજર રહ્યાં હતા. 

Rahul Gandhi: We can't become a country where the leadership brutalises its own people. You (NHRC) are the appropriate institution to safeguard Human Rights. If NHRC goes into details of what is submitted, you will be convinced that something terribly wrong has happened in UP. https://t.co/tSW2IZNRWn

— ANI (@ANI) January 27, 2020

હકીકતમાં સંસદના બંન્ને ગૃહમાં પાસ સંશોધિત નાગરિકતા કાયદા (Citizenship Amendment Act 2019) ને લઈને કોંગ્રેસ શરૂઆતથી જ સરકારની વિરુદ્ધમાં પ્રદર્શન કરી રહી છે. રાહુલે થોડા દિવસ પહેલા આસામમાં એક રેલીમાં કેન્દ્રની મોદી સરકાર પર લોકોનો અવાજ ન સાંભળવાનો આરોપ લગાવતા કહ્યું હતું કે, ભાજપ જ્યાં જાય છે ત્યાં નફરત ફેલાવે છે. હજુ ગઈકાલે કોંગ્રેસે પીએમ મોદીને બંધારણની એક કોપી મોકલતા કહ્યું હકું કે, સીએએમાં અનુચ્છેદ-14નું ઉલ્લંઘન કરવામાં આવ્યું છે. 

તો ભાજપે પલટવાર કરતા કોંગ્રેસ પર સીએએની આડમાં લોકોને ભડકાવવાનો આરોપ લગાવ્યો છે. સોમવારે કેન્દ્રીય પ્રધાન રવિશંકર પ્રસાદે કહ્યું હતું કે, શાહીન બાગ હવે એક ક્ષેત્ર નથી, તે એક વિચાર છે, જ્યાં ભારતીય ઝંડાનો ઉપયોગ તે લોકોને કવર આપવાના રૂપમાં કરવામાં આવી રહ્યો છે, જે દેશને વિભાજીત કરવા ઈચ્છે છે. તેમણે આરોપ લગાવ્યો કે, ટુકડે-ટુકડે ગેંગ તેનું સમર્થન કરી રહી છે. 

જુઓ LIVE TV