Corona Update: રસી આવતા પહેલા જ પછડાશે કોરોના?, વિગતો જાણી ખુબ રાહત અનુભવશો

નવી દિલ્હી: દેશમાં લાગે છે કે કોરોના (Corona Virus) ની રસી આવતા પહેલા વાયરસ હાંફી ગયો હશે. કારણ કે નવા કેસમાં અને મૃત્યુમાં સતત ઘટાડો થઈ રહ્યો છે. આરોગ્ય મંત્રાલયના તાજા આંકડા મુજબ છેલ્લા 24 કલાકમાં દેશમાં કોરોના વાયરસના નવા 45,149 દર્દીઓ નોંધાયા છે. આ સાથે કુલ કેસનો આંકડો 79,09,960 થયો છે. જેમાંથી 6,53,717 હજુ પણ સારવાર હેઠળ છે. જ્યારે 71,37,229 લોકો સાજા થઈ ગયા છે. દેશમાં એક જ દિવસમાં 480 લોકોના મૃત્યુ થયા છે. આ સાથે કુલ મૃત્યુનો આંકડો 1,19,014 પર પહોંચ્યો છે. 

અત્યાર સુધીમાં 10,34,62,778 કોરોના ટેસ્ટ હાથ ધરાયા
દેશમાં ધીરે ધીરે મૃત્યુનો આંકડો ઘટી રહ્યો છે અને રિકવરી રેટ વધી રહ્યો છે. ઈન્ડિયન કાઉન્સિલ ઓફ મેડિકલ રિસર્ચના જણાવ્યાં મુજબ અત્યાર સુધીમાં કુલ 10,34,62,778 કોરોના ટેસ્ટ થયા છે. ગઈ કાલે 9,39,309 કોરોના ટેસ્ટ કરાયા હતા. 

With 45,149 new #COVID19 infections, India's total cases surge to 79,09,960. With 480 new deaths, toll mounts to 1,19,014 .

Total active cases are 6,53,717 after a decrease of 14,437 in last 24 hrs

Total cured cases are 71,37,229 with 59,105 new discharges in last 24 hrs pic.twitter.com/STmOrxDPzg

— ANI (@ANI) October 26, 2020

સતત વધી રહ્યો છે રિકવરી રેટ અને ઘટી રહ્યો છે મૃત્યુદર
દેશમાં હાલ રિકવરી રેટ 90 ટકા છે જ્યારે મૃત્યુ દર 1.51 ટકા છે. ભારતમાં સાત ઓગસ્ટના રોજ સંક્રમિતોની સંખ્યા 20 લાખ ઉપર ગઈ હતી. 23 ઓગસ્ટના રોજ 30 લાખ અને પાંચ સપ્ટેમ્બરના રોજ 40 લાખ પાર ગઈ હતી. કુલ કેસ 16 સપ્ટેમ્બરના રોજ 50 લાખ ઉપર ગયા હતા. 28 સપ્ટેમ્બરના રોજ 60 લાખ અને 11 ઓક્ટોબરના રોજ 70 લાખ પાર ગયા હતા.