ભગવાનના ચાર હાથ છે આ બિલાડી પર, ધ્યાનથી જુઓ તેની હરકત

સુરતના વાંકલ ગામની આ ઘટના છે, જ્યાં વાંકલ ભૂખી નદીના કિનારે અંબાજી અને શિવ મંદિર આવેલું છે. આ મંદિરની એક બિલાડી શિવભક્ત બની છે. આ બિલાડી શિવલિંગ નજીક આવીને રોજ બેસી જાય છે. શિવલિંગ સામે કલાકો સુધી બેસીને ભગવાન શિવના દર્શન કરે છે.

શિવલિંગ નજીક બિલાડીને જોતા દર્શને આવતા ભક્તો પણ આશ્ચર્યચકિત થઈ જાય છે. રામેશ્વર મહાદેવના દર્શન કરતી બિલાડી સૌને પોતાની ભક્તિથી ચોંકાવી દે છે.

શિવલિંગ સામે આસન પર બેસી બિલાડી શિવ દર્શન કરીને જતી રહે છે. બે દિવસથી આવા દ્રશ્ય જોવા મળતા લોકો બિલાડીને શિવભક્ત કહી રહ્યા છે.