IPL 2019: હરભજન સિંહે દેખાડી માર્શલ આર્ટની કળા, સામે આવ્યો Video

નવી દિલ્હીઃ આઈપીએલની હાલની સિઝનમાં પોઈન્ટ ટેબલ ટોપ પર રહેલી ચેન્નઈ સુપર કિંગ્સના ખેલાડી મેદાનની બહાર પણ ચર્ચામાં રહે છે. સ્પિન કિંગ હરભજન સિંહનો એક નવો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં હરભજન સિંહ ગતકા (લાકડી વડે રમાતી રમત) રમતો જોવા મળી રહ્યો છે. 

આ વીડિયો ચેન્નઈ સુપર કિંગ્સે પોતાના ટ્વીટર પેજ પર શેર કર્યો છે. સૌથી પહેલા આ વીડિયો હરભજને પોતાના ઇન્સ્ટગ્રામ પેજ પર શેર કર્યો ત્યારબાદ ટીમના અન્ય ખેલાડીઓએ પણ લાકડીની સાથે હાથ અજમાવતો વીડિયો પોસ્ટ કર્યો હતો. 

View this post on Instagram

Gatka ⭐️ @chennaiipl @iplt20 #cskshoot

A post shared by Harbhajan Turbanator Singh (@harbhajan3) on Apr 20, 2019 at 2:39am PDT

ચેન્નઈ સુપર કિંગ્સ દ્વારા ટ્વીટર પર પોસ્ટ કરાયેલા એક બીજા વીડિયોમાં ચેન્નઈના ઘણા ખેલાડી અને ટીમના અન્ય સ્ટાફ પણ હાથમાં લાકડી લઈને ગતકા રમવાનો પ્રયત્ન કરી રહ્યાં છે. પરંતુ કોઈ અન્ય ખેલાડીને આ રમતમાં સફળતા ન મળી સિવાય હરભજન સિંહ. 

Chennai Super Kings... or Ninjas? Catch the Lions nailing the Silambam like Super Local Bosses! #SuperLocalChallenge #WhistlePodu #Yellove 🦁💛 pic.twitter.com/77Aom06LbW

— Chennai Super Kings (@ChennaiIPL) April 20, 2019

આ વીડિયોમાં હરભજન સિંહ લુંગી પહેરીને એક લાકડીની સાથે કલાબાજી કરતો જોવા મળી રહ્યો છે. તે હાથમાં લાકડી લઈને ઝડપથી પોતાના શરીરની ચારે તરફ ઘુમાવે છે. આ વચ્ચે બીજી લાકડી પણ તેના હાથમાં પહોંચી જાય છે અને તે બંન્ને લાકડીને ઝડપથી ફેરવવાનું શરૂ કરે છે. તેને જોઈને ટીમના અન્ય ઘણા ખેલાડી આ કલાબાજી કરવાનો પ્રયત્ન કરે છે પરંતુ બધા નિષ્ફળ રહે છે.