MI vs CSK:આજે મુંબઈ ઈન્ડિયન્સ અને ચેન્નાઈ સુપર કિંગ્સ માંથી કોણ જીતશે? મેચ પહેલા અહીં મળી જશે જવાબ

MI vs CSK Match Preview: મુંબઈના વાનખેડે સ્ટેડિયમમાં આજે IPLસિઝનની સૌથી મોટી મેચ આજે (8 એપ્રિલ) થવા જઈ રહી છે. અહીં પાંચ વખતની ચેમ્પિયન મુંબઈ ઈન્ડિયન્સ અને ચાર વખતની વિજેતા ચેન્નાઈ સુપર કિંગ્સ વચ્ચે ટક્કર થશે. આ બંને ટીમો વચ્ચેની મેચો હંમેશાથી ઘણી રોમાંચક રહી છે. આવી સ્થિતિમાં IPLની આ બે સૌથી સફળ ટીમો વચ્ચેની આજની મેચ પણ ઘણી રસપ્રદ બની શકે છે.

જો કે, આજની મેચમાં ચેન્નાઈ સુપર કિંગ્સનો હાથ ઉપર રહેવાની ધારણા છે. કારણ કે ચેન્નાઈની ટીમ મુંબઈ કરતા વધુ સંતુલિત લાગે છે. બંન્ને ટીમો બેટિંગમાં સમાન હરીફાઈ ધરાવે છે, પરંતુ બોલિંગમાં ચેન્નાઈની ટીમ મુંબઈથી આગળ છે. મુંબઈનો સ્પિન વિભાગ ઘણો નબળો છે, જ્યારે ચેન્નાઈ પાસે જાડેજા અને મોઈન અલીના રૂપમાં બે અનુભવી સ્પિન ઓલરાઉન્ડર છે. મુંબઈની સરખામણીમાં ચેન્નાઈમાં પણ સારી સંખ્યામાં ઓલરાઉન્ડર છે, જે બોલિંગ અને બેટિંગમાં વધુ સારું સંતુલન બનાવે છે.

આ પણ વાંચો
અંબાલાલ પટેલની અત્યાર સુધીની સૌથી 'ઘાતક' આગાહી; ગુજરાતમાં જૂન સુધી કમોસમી વરસાદ પડશે
આ મહિને બની રહ્યો છે ગુરૂ ચાંડાલ યોગ, 7 મહિના સુધી આ રાશિઓને થશે મોટું નુકસાન
જૂનિયર ક્લર્કની પરીક્ષામા થશે આ નવતર પ્રયોગ, હસમુખ પટેલનુ ZEE 24 કલાક પર મોટું નિવદન

મુંબઈનો ફ્લોપ શો
IPL 2023માં મુંબઈ ઈન્ડિયન્સની શરૂઆત ઘણી ખરાબ રહી છે. આ ટીમને તેની પ્રથમ મેચમાં RCBના હાથે ખરાબ રીતે હારનો સામનો કરવો પડ્યો હતો. મુંબઈએ પ્રથમ બેટિંગ કરતા 171 રન બનાવ્યા હતા, જેના જવાબમાં RCBએ 22 બોલ બાકી રહેતા માત્ર બે વિકેટ ગુમાવીને મેચ જીતી લીધી હતી. આ મેચમાં મુંબઈ ઈન્ડિયન્સની ટીમમાં આ વર્ષ લડાયક કૌશલ્ય જરા પણ દેખાતું ન હતું.

ચેન્નાઈએ તેની છેલ્લી મેચ જીતી લીધી છે
ચેન્નાઈએ આ સિઝનમાં અત્યાર સુધીમાં બે મેચ રમી છે. પ્રથમ મેચમાં તેને છેલ્લી ઓવરમાં ગુજરાત ટાઇટન્સ સામે 5 વિકેટે હારનો સામનો કરવો પડ્યો હતો, પરંતુ બીજી મેચમાં આ ટીમે લખનૌને 12 રને પરાજય આપીને જીતના પાટા પર વાપસી કરી હતી. આ મેચમાં ચેન્નાઈના બેટ્સમેનો જબરદસ્ત રંગમાં જોવા મળ્યા હતા.

એકંદરે ચેન્નાઈની ટીમ હાલમાં સારી ગતિ બતાવી રહી છે અને પછી આ ટીમ પણ મુંબઈ કરતા વધુ સંતુલિત છે. આવી સ્થિતિમાં ચેન્નાઈ સુપર કિંગ્સ આજની મેચમાં જીત મેળવી શકે છે.