T20 World Cup : પાકિસ્તાને વેસ્ટ ઈન્ડિઝને 8 વિકેટે હરાવ્યું

કેનબરાઃ પાકિસ્તાને બુધવારે મનુકા ઓવલ મેદાન પર રમાયેલી આઈસીસી મહિલા ટી-20 વિશ્વકપની ગ્રુપ-બીની પોતાની પ્રથમ મેચમાં વેસ્ટ ઈન્ડિઝને 8 વિકેટે પરાજય આપ્યો હતો. કેપ્ટન બિસ્માહ મારૂફ (અણનમ 38) અને જવેરિયા ખાન (35)ની શાનદાર ઈનિંગની મદદથી પાકિસ્તાનની ટૂર્નામેન્ટમાં આ પ્રથમ જીત છે. પાકિસ્તાન ગ્રુપ-બીમાં બે પોઈન્ટ સાથે બીજા સ્થાને છે. વેસ્ટ ઈન્ડિઝની બે મેચોમાં આ પ્રથમ હાર છે અને ટીમ બે પોઈન્ટની સાથે ચોથા સ્થાને છે. 

પૂર્વ ચેમ્પિયન વેસ્ટ ઈન્ડિઝે ટોસ જીતીને પ્રથમ બેટિંગ કરતા 7 વિકેટ પર 124 રન બનાવ્યા હતા. જેના જવાબમાં પાકિસ્તાને 10 બોલ બાકી રહેતા લક્ષ્ય હાંસિલ કરી લીધો હતો. 

Group B 👀 #T20WorldCup pic.twitter.com/UQ1u8CvFZe

— T20 World Cup (@T20WorldCup) February 26, 2020

પાકિસ્તાન તરફથી મારૂફે 37 બોલ પર ચાર ચોગ્ગા અને જવેરિયાએ 28 બોલમાં છ ચોગ્ગા ફટકાર્યા હતા. આ સિવાય મુનીબા અલીએ 25 અને નિદા ડારે અણનમ 18 રનનું યોગદાન આપ્યું હતું. જવેરિયાને તેની શાનદાર બેટિંગ માટે મેન ઓફ ધ મેચ જાહેર કરવામાં આવી હતી. 

Nerveless chase from Pakistan, who open their #T20WorldCup with a spectacular win against 2016 champions West Indies 🔥👏

How impressive was that! #WIvPAK 📝 https://t.co/1iuW8i4B0h pic.twitter.com/CyS5XWS9yg

— ICC (@ICC) February 26, 2020

વેસ્ટ ઈન્ડિઝ તરફથી એફી ફ્લેચર અને કેપ્ટન સ્ટેફની ટેલરને એક-એક વિકેટ મળી હતી. આ પહેલા વેસ્ટ ઈન્ડિઝની ટીમ સાત વિકેટ પર 124 રન બનાવી શકી હતી. ટીમની કેપ્ટન ટેલર અને શેમાની કેમ્પબેલે 43-43 રનનું યોગદાન આપ્યું હતું. આ સિવાય લી એન કિબીએ 16 રન બનાવ્યા હતા. પાકિસ્તાન માટે એમન અનવર, નિદા ડાર અને ડાયનો બેગે બે-બે જ્યારે અનમ અમીને એક વિકેટ મેળવી હતી. 

જુઓ LIVE TV