close

News Wrapએડિટરની પસંદગીના મુખ્ય સમાચાર મેળવો સીધા તમારા મેઇલબોક્સમાં

50 ટેસ્ટમાં આગેવાની કરનાર ભારતનો બીજો કેપ્ટન બન્યો વિરાટ કોહલી

ટીમ ઈન્ડિયાના કેપ્ટન વિરાટ કોહલીએ ગુરૂવારે આફ્રિકા વિરુદ્ધ રમાઇ રહેલી બીજી ટેસ્ટ માટે સિક્કો ઉછાળ્યો, તો આ સાથે તેણે વધુ એક રેકોર્ડ પોતાના નામે કરી લીધો છે. વિરાટની કેપ્ટન તરીકે આ 50મી ટેસ્ટ છે અને આમ કરનાર તે ભારતનો બીજો કેપ્ટન બની ગયો છે. 

Updated: Oct 10, 2019, 12:11 PM IST
50 ટેસ્ટમાં આગેવાની કરનાર ભારતનો બીજો કેપ્ટન બન્યો વિરાટ કોહલી

પુણેઃ ટીમ ઈન્ડિયાના કેપ્ટન વિરાટ કોહલી ગુરૂવારે પુણેના મેદાન પર ટોસ માટે પહોંચ્યો તો તેણે વધુ એક સિદ્ધી પોતાના નામે કરી લીધી છે. વિરાટ કોહલી હવે ભારતનો બીજો એવો કેપ્ટન બની ગયો છે, જેણે 50 ટેસ્ટ મેચોમાં ટીમ ઈન્ડિયાની કમાન સંભાળી છે. વિરાટ પહેલા પૂર્વ કેપ્ટન એમએસ ધોની જ એકમાત્ર એવો કેપ્ટન રહ્યો, જેણે 50થી વધુ ટેસ્ટ મેચમાં ભારતીય ટીમની આગેવાની કરી હતી. 

કેપ્ટન તરીકે અડધી સદી બનાવનાર કોહલી વિશ્વનો 14મો અને બીજો ભારતીય કેપ્ટન છે. આ ટેસ્ટ મેચ પહેલા વિરાટ ભારતીય કેપ્ટનોની યાદીમાં સૌરવ ગાંગુલીની સાથે સંયુક્ત રૂપથી બીજા સ્થાન પર હતો. 49 ટેસ્ટમાં ભારતની આગેવાની કરનાર સૌરવ ગાંગુલી (2000-2005) હવે ત્રીજા સ્થાન પર આવી ગયો છે. એમએસ ધોની (2008-2014)એ 60 ટેસ્ટ મેચોમાં ભારતીય ટીમની કમાન સંભાળી અને તે આજે પણ સૌથી વધુ ટેસ્ટમાં ભારતની કમાન સંભાળનાર કેપ્ટન છે. 

વિરાટ કોહલીએ વર્ષ 2014મા ઓસ્ટ્રેલિયામાં પ્રથમવાર ટીમ ઈન્ડિયાની કમાન સંભાળી હતી. આ સિરીઝમાં એમએસ ધોનીએ ટેસ્ટ ક્રિકેટને અલવિદા કહ્યું હતું અને પછી પૂર્ણ રૂપથી ભારતીય ટેસ્ટ ટીમની કમાન વિરાટ કોહલીને સોંપવામાં આવી હતી. 

વર્લ્ડ બોક્સિંગ ચેમ્પિયનશિપઃ સેમિફાઇનલમાં પહોંચી મેરી કોમ, આઠમો મેડલ પાક્કો 

સ્મિથ છે સૌથી આગળ
આંતરરાષ્ટ્રીય ક્રિકેટમાં સૌથી વધુ ટેસ્ટ મેચોમાં આગેવાનીના રેકોર્ડની વાત કરીએ તો દક્ષિણ આફ્રિકાનો ગ્રીમ સ્મિથ સૌથી આગળ છે. સ્મિથે 109 ટેસ્ટ મેચોમાં પોતાની ટીમની આગેવાની કરી હતી. તેણે 53 મેચમાં વિજય મેળવ્યો હતો. ઓસ્ટ્રેલિયાના એલન બોર્ડરે 93 ટેસ્ટ મેચમાં સુકાન સંભાળ્યું અને 32મા જીત મેળવી હતી. ત્યારબાદ ન્યૂઝીલેન્ડના સ્ટીફ ફ્લેમિંગનો નંબર આવે છે, જેણે 80 ટેસ્ટ મેચોમાં ટીમની કમાન સંભાળી હતી. તો રિકી પોન્ટિંગે 77 મેચોમાં આગેવાની કરી અને 48 મેચ જીતી હતી.