બંગબંધુ શેખ મુજીબુર રહેમાનને આપવામાં આવશે 2020નો ગાંધી શાંતિ પુરસ્કાર, સરકારે કરી જાહેરાત

નવી દિલ્હીઃ સંસ્કૃતિ મંત્રાલયે 2019 અને 2020ના આંતરરાષ્ટ્રીય ગાંધી પુરસ્કાર (Gandi peace prizes) ની જાહેરાત કરી છે. તે પ્રમાણે વર્ષ 2019 માટે ઓમાનના (સ્વર્ગીય) સુલ્તાન કબૂસ બિન સૈદ અલ સૈદનું ગાંધી પુરસ્કારથી સન્માન કરવામાં આવશે. વર્ષ 2020 માટે બંગબંધુ શેખ મુજીબુર રહમાનને ગાંધી પુરસ્કારથી સન્માનિત કરવામાં આવશે. બંગબંધુ શેખને બાંગ્લાદેશના જનક માનવામાં આવે છે. ગાંધી શાંતિ પુરસ્કાર, ભારત સરકાર દ્વારા 1995થી મહાત્મા ગાંધીની 125મી જયંતિ વર્ષના ઉપલક્ષ્યમાં અપાતો વાર્ષિક પુરસ્કાર છે. 

સંસ્કૃતિ મંત્રાલયના નિવેદન અનુસાર, આ પુરસ્કારને બાંગ્લાદેશના પૂર્વ નેતાને પ્રધાનમંત્રી નરેન્દ્ર મોદીની અધ્યક્ષતાવાળી એક જૂરી સમિતિ દ્વારા આ મહિનાની શરૂઆતમાં આપવા માટે પસંદગી કરી હતી. આ પુરસ્કાર પટ્ટિકા સિવાય 1 કરોડ રૂપિયાનો રોકડ પુરસ્કાર અને પ્રશસ્તિ પત્ર પ્રદાન કરે છે. 

Gandhi Peace Prize for the year 2020 is being conferred on Bangabandhu Sheikh Mujibur Rahman: Ministry of Culture

Gandhi Peace Prize is an annual award instituted by Government of India since 1995, the 125th Birth Anniversary commemoration year of Mahatma Gandhi.

— ANI (@ANI) March 22, 2021

Gandhi Peace Prize for the year 2019 is being conferred on (Late) His Majesty Sultan Qaboos bin Said Al Said of Oman: Ministry of Culture

Gandhi Peace Prize is an annual award instituted by Govt of India since 1995, 125th Birth Anniversary commemoration year of Mahatma Gandhi.

— ANI (@ANI) March 22, 2021

આ પુરસ્કાર વ્યક્તિઓ અને સંસ્થાઓને અહિંસા અને અન્ય ગાંધીવાદી રીતોના માધ્યમથી સામાજીક, આર્થિક અને રાજકીય પરિવર્તન માટે તેમના યોગદાન બદલ આપવામાં આવે છે. પ્રધાનમંત્રી નરેન્દ્ર મોદી બાંગ્લાદેશની સ્વતંત્રતાની સુવર્ણ જયંતિ અને બંગબંધુ શેખ મુજીબુર રહમાનની જન્મ શતાબ્દી સમારોહમાં સામેલ થવા માટે 26 માર્ચે ઢાકા જવાના છે. રહમાન બાંગ્લાદેશના પ્રથમ રાષ્ટ્રપતિ હતા અને બાદમાં દેશના પ્રધાનમંત્રી બન્યા હતા. 15 ઓગસ્ટ, 1975ના તેમની હત્યા કરી દેવામાં આવી હતી. રહમાન બાંગ્લાદેશના 'રાષ્ટ્રપિતા' કે 'મુઝીબ'ના રૂપમાં જાણીતા છે.