Coronavirus: ભારતમાં કોરોનાની કથળેલી સ્થિતિથી Google પણ વ્યથિત, અધધધ...મદદની કરી જાહેરાત

વોશિંગ્ટન: ભારતમાં કોરોના વાયરસ (Corona Virus) નો ભયંકર પ્રકોપ જોવા મળી રહ્યો છે. નવા કેસ અને મૃત્યુના આંકડા રોજેરોજ નવા રેકોર્ડ સર્જી રહ્યા છે. આ બધા વચ્ચે અનેક દેશ ભારતની મદદે પણ આવ્યા છે. ગૂગલે પણ ભારતને મદદ કરવાની જાહેરાત કરી છે. ગૂગલના સીઈઓ સુંદર પિચાઈ(Sundar Pichai) એ ટ્વીટ કરીને આ જાણકારી આપી. 

ગૂગલે કરી 135 કરોડ રૂપિયાના ફંડની જાહેરાત
ગૂગલના સીઈઓ સુંદર પિચાઈએ ટ્વીટ કરીને કહ્યું કે ભારતમાં બગડી રહેલા કોવિડ સંકટથી ટૂટી ગયો છું. ગૂગલ અને સૂગલર્સ 135 કરોડ રૂપિયાનું ફંડિંગ Give India  અને યુનિસેફને મેડિકલ સપ્લાય માટે, હાઈ રિસ્કવાળી કમ્યુનિટીને સપોર્ટ કરનારા સંગઠનો અને મહત્વપૂર્ણ ઈન્ફોર્મેશન આપવામાં મદદ કરનારાઓને ગ્રાન્ટ તરીકે આપી રહ્યા છે. 

Devastated to see the worsening Covid crisis in India. Google & Googlers are providing Rs 135 Crore in funding to @GiveIndia, @UNICEF for medical supplies, orgs supporting high-risk communities, and grants to help spread critical information.https://t.co/OHJ79iEzZH

— Sundar Pichai (@sundarpichai) April 26, 2021

એક જ દિવસમાં 3.52 લાખથી વધુ કેસ
અત્રે જણાવવાનું કે કેન્દ્રીય સ્વાસ્થ્ય મંત્રાલયના જણાવ્યાં મુજબ ભારતમાં છેલ્લા 24 કલાકમાં 3,52,991 નવા કોરોના દર્દીઓ નોંધાયા છે. આ સાથે કુલ કેસની સંખ્યા 1,73,13,163 થઈ છે. જ્યારે એક જ દિવસમાં 2,19,272 લોકો રિકવર થયા છે. આ સાથે અત્યાર સુધીમાં કુલ 1,43,04,382 લોકો રિકવર થયા છે. હજુ પણ દેશમાં 28,13,658  દર્દીઓ સારવાર હેઠળ છે. એક જ દિવસમાં કોરોનાએ 2812 લોકોનો ભોગ લીધો છે. આ સાથે કુલ મૃત્યુઆંક 1,95,123 પર પહોંચી ગયો છે. રસીકરણ અભિયાન હેઠળ 14,19,11,223 લોકોને અત્યાર સુધીમાં રસી આપવામાં આવી છે.