मलबार हिल नाही ‘रामनगरी’ म्हणा - मनसे

www.24taas.com, झी मीडिया, मुंबई
मलबार हिलचं रामनगरी नामकरण करण्यात यावं, अशी मागणी मनसेनं मुंबई महापालिकेकडे केलीय. गेल्या काही काळात भाजपशी मनसेशी वाढती सलगी तर त्यास कारणीभूत नाहीना अशी चर्चा आता सुरु झालीय.
भाजपपाठोपाठ मनसेनंही दिलाय ‘जय श्रीराम’चा नारा... मलबार हिलचे नाव रामनगरी करा अशी मागणी मनसेनं महापालिकेकडे केलीय. मनसेचे महापालिका गटनेते दिलीप लांडे यांनी ठरावाच्या सुचनेद्वारे मलबार हिलचे रामनगरी असे नामांतर करण्याची मागणी केलीय. मलबार हिल हे ब्रिटीश कालीन नाव असल्यानं त्यावर लांडेंनी आक्षेप घेतलाय. ‘रामनगरी’ हेच नाव योग्य असल्याचं पटवून देण्यासाठी लांडें यांनी पुराणाचे दाखलेदेखील दिले आहेत. लांडेच्या या मागणीवर महापालिकेत प्रतिक्रिया उमटणं स्वाभाविक आहे. त्यानुसार भाजपनं लांडेंच्या मागणीला पाठिंबा दर्शवलाय तर तर काँग्रेसनं मात्र विरोध केलाय.