Home
/स्पोर्ट्स
/Video : क्रीजच्या एकाच बाजूला उभे होते हार्दिक आणि रियान, तरीही Run Out करून शकले नाहीत बांगलादेशचे फिल्डर

Video : क्रीजच्या एकाच बाजूला उभे होते हार्दिक आणि रियान, तरीही Run Out करून शकले नाहीत बांगलादेशचे फिल्डर

IND VS BAN t20 3rd Match : टीम इंडियाचे फलंदाज बांगलादेशच्या गोलंदाजांची धुलाई करताना फिल्डिंग करणाऱ्या खेळाडूंकडूनही अनेक चुका झाल्या. एका प्रसंगी हार्दिक आणि रियान क्रीजच्या एकाच बाजूला उभे असताना देखील बांगलादेशचे फिल्डर त्यांना रन आउट करू शकले नाहीत.

Written ByPooja Pawar

Published: Oct 13, 2024, 01:02 PM IST|Updated: Oct 13, 2024, 01:02 PM IST

join share

Video : क्रीजच्या एकाच बाजूला उभे होते हार्दिक आणि रियान, तरीही Run Out करून शकले नाहीत बांगलादेशचे फिल्डर

Image Credit: (Photo Credit : Social Media)

IND VS BAN t20 3rd Match : भारत विरुद्ध बांगलादेश यांच्यात शनिवारी टी 20 सीरिजमधील तिसरा आणि शेवटचा सामना पार पडला. या सामन्यात टीम इंडियाने बांगलादेशवर मोठा विजय मिळवला असून टेस्ट सीरिजनंतर टी 20 सीरिजमध्येही त्यांना क्लीन स्वीप दिलंय. टीम इंडियाने हैदराबाद येथे झालेल्या तिसऱ्या सामन्यात बांगलादेशवर 133 धावांनी विजय मिळवला. टीम इंडियाचे फलंदाज बांगलादेशच्या गोलंदाजांची धुलाई करताना फिल्डिंग करणाऱ्या खेळाडूंकडूनही अनेक चुका झाल्या. एका प्रसंगी हार्दिक आणि रियान क्रीजच्या एकाच बाजूला उभे असताना देखील बांगलादेशचे फिल्डर त्यांना रन आउट करू शकले नाहीत.

क्रीजच्या एकाच बाजूला उभे होते हार्दिक - रियान :

भारताने टॉस जिंकून प्रथम फलंदाजी निवडली होती. यावेळी 18 व्या ओव्हरच्या तिसऱ्या बॉलवर हार्दिक पंड्या स्ट्राईकवर होता. तो पर्यंत टीम इंडियाचा स्कोअर 250 पार पोहोचला. गोलंदाज मुस्तफिजूरने टाकलेला ओव्हरमधील तिसरा बॉल हार्दिकने मिस केला आणि बॉल त्याच्या जवळच जाऊन पडला. हार्दिकला रन घेण्यासाठी धावायचे नव्हते, परंतु रियान पराग हा तो पर्यंत हार्दिक जवळ पोहोचला होता. दोन्ही फलंदाज एकाच क्रीजवर असलेले पाहून विकेटकीपर लिटन दासने बॉल उचलला आणि नॉन स्ट्राइकर एंडवर थ्रो केला. पण लिटन दासचा थ्रो गोलंदाजाच्या हातात जाण्याऐवजी त्याच्या डोक्यावरून गेला.

गोलंदाज मुस्तफिजुर रहमान फक्त उभं राहून पाहत होता. यानंतरही लॉन्ग ऑफचा फील्डर नजमुल हुसैन शंतोकडे बॉल कॅच करून विकेटवर मारण्याचा चान्स होता मात्र तो बॉल कलेक्ट करू शकला नाही. तो पर्यंत हार्दिक पंड्या धावत नॉन स्ट्राईक एंडवर जाऊन पोहोचला. रनआउट करण्याऐवजी बांगलादेशचे फिल्डर फक्त एकमेकांकडे बॉल पास करत होते. त्यामुळे भारतीय फलंदाजांना रनआउट करण्यात बांगलादेशचे फिल्डर अपयशी ठरले.

हेही वाचा : बाबा सिद्दीकीच्या हत्येमुळे भारताच्या माजी क्रिकेटरला बसला धक्का, रात्री 2 वाजता केलं 'हे' काम

पाहा व्हिडीओ :

pic.twitter.com/BLme1PLypQ
— alex (@AlexHivklzzyh) October 12, 2024

टीम इंडियाची रेकॉर्ड ब्रेकिंग मॅच :

कर्णधार सूर्यकुमार यादव याने टॉस जिंकून फलंदाजीचा निर्णय घेतला. यावेळी ओपनिंग बॅट्समन संजू सॅमसनने जोरदार शतक ठोकले, त्याने 47 बॉलमध्ये 111 धावा केल्या. तर सूर्यकुमार यादवने सुद्धा 35 बॉलमध्ये 75 धावा केल्या. तर रियान परागने 34 आणि हार्दिक पंड्याने 47 धावा केल्या. यासह टीम इंडियाने 6 विकेट्स गमावून 297 धावा केल्या. हा आयसीसीचे सदस्य आणि टेस्ट खेळणाऱ्या कोणत्याही देशाच्या क्रिकेट टीमने टी 20 मध्ये केलेला सर्वात मोठा स्कोअर होता. तर टीम इंडियाच्या गोलंदाजांनी बांग्लादेशच्या 7 विकेट्स घेऊन त्यांना 164 धावांवर रोखले आणि 133 धावांनी विजय मिळवला.

Add Zee News as a Preferred Source

TAGS:

About the Author

Pooja Pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना ५ वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. त्यांनी आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.

प्रिंट मीडिया ते डिजिटल पर्यंतची कारकीर्द:

पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.

पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.

शैक्षणिक पात्रता

पूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.