'जर मला आणि बुमराहला...', हार्दिक पांड्याने मुंबई इंडियन्स संघातील नव्या खेळाडूंना स्पष्टच सांगितलं

IPL 2025: मुंबई इंडियन्स संघाने आयपीएलमध्ये हार्दिक पांड्या, जसप्रीत बुमराह, सूर्यकुमार यादव, रोहित शर्मा आणि तिलक वर्मा यासारख्या खेळाडूंना रिटेन केलं आहे. दुसरीकडे लिलावात ट्रेन्ट बोल्ट, दीपक चहर, विल जॅक्स यासारख्या खेळाडूंना विकत घेत दमदार संघ निर्माण होईल याची काळजी घेतली आहे. दरम्यान आयपीएल मेगा लिलावादरम्यान आपण सतत मुंबई इंडियन्सच्या व्यवस्थापनाच्या संपर्कात होतो असं हार्दिक पांड्याने सांगितलं आहे. 24 आणि 25 नोव्हेंबरला आयपीएलचा मेगा लिलाव पार पडला. लिलावानंतर जो संघ तयार झाला आहे तो पाहून आपण आनंदी असल्याचं हार्दिक पांड्याने सांगितलं आहे. 

Add Zee News as a Preferred Source

बडोद्यासाठी सध्या सुरू असलेल्या सय्यद मुश्ताक अली ट्रॉफीमध्ये जबरदस्त फॉर्ममध्ये असलेल्या हार्दिक पांड्याने सांगितलं की, मुंबई इंडियन्स संघात अनुभव आणि तरुणांचे योग्य मिश्रण आहे.

“लिलावाची गतिशीलता नेहमीच अवघड असते. जेव्हा तुम्ही ते लाइव्ह पाहता तेव्हा तुम्हाला माहिती असतं. ते खूप रोमांचक असतं आणि भावना नेहमीच वर-खाली असतात कारण तुम्हाला एखादा खेळाडू हवा असतो पण कधी कधी तुम्ही तो गमावता. अखेरीस खूप भावनिक न होणं महत्वाचे आहे. आम्हाला एक संपूर्ण संघ तयार करावा लागेल,” असं हार्दिकने मुंबई इंडियन्सच्या अधिकृत सोशल मीडिया हँडलद्वारे पोस्ट केलेल्या व्हिडिओमध्ये म्हटले आहे.

#MumbaiMeriJaan #MumbaiIndians #TATAIPLAuction | @hardikpandya7 pic.twitter.com/vpyxOE4SVz

— Mumbai Indians (@mipaltan) December 2, 2024

“लिलावादरम्यान मी सतत सर्वांच्या संपर्कात होतो, त्यांच्याशी मी आपण नेमकं कोणासाठी प्रयत्न करत आहोत याबाबत चर्चा करत होते. मला वाटते की आम्हाला लिलावातून चांगल्या गोष्टी मिळाल्या आहेत. आपला संघ चांगला दिसत आहे. आम्हाला योग्य मिश्रण सापडलं आहे. जे अनुभवी खेळाडू आहेत, जसे की बोल्टी इज बॅक, दीपक चहर, जो आजूबाजूला असतो आणि त्याच वेळी, विल जॅक्स, रॉबिन मिन्झ आणि रिकेल्टन सारखे तरुण खेळाडू आहेत. त्यामुळे मला वाटतं की आम्ही खूप चांगले केलं आहे. आम्ही सर्व बाजू कव्हर केल्या आहेत, ”असं तो पुढे म्हणाला.

'मुंबई इंडियन्सने माझा आणि बुमराहचा शोध लावला'

मुंबई इंडियन्सने जसप्रीत बुमराह, कृणाल पांड्या आणि तिलक वर्मा यांना सुरुवातीच्या टप्प्यात कसं शोधलं याची आठवणही हार्दिक पांड्याने केली. जे नव्याने संघात येत आहेत त्यांनाही हार्दिक पांड्याने आपल्या भावना सांगितल्या. 

“या वर्षी मुंबई इंडियन्समध्ये सामील होणाऱ्या सर्व तरुण खेळाडूंना माझा संदेश आहे की जर तुम्ही येथे असाल, तर तुमच्याकडे तो स्पार्क आहे, तुमच्यात ती प्रतिभा आहे, जी स्काउट्सनी पाहिली आहे. त्यांनी मला शोधले, त्यांना जसप्रीत सापडला, त्यांना कृणाल सापडला, त्यांना तिलक सापडला. ते सर्व शेवटी देशासाठी खेळले. तुम्हाला फक्त चांगली कामगिरी, प्रशिक्षण, कठोर परिश्रम करायचे आहेत आणि सर्वात चांगली गोष्ट म्हणजे मुंबई इंडियन्सकडे त्यांची भरभराट करण्याची सुविधा आहे,” असंही त्याने सांगितलं आहे. 

“काही नवीन फ्रँचायझींमधून येणारे नवे चेहरेही असतील. येणार आहेत. मुंबई इंडियन्स या नात्याने आम्ही खात्री करून घेणार आहोत की त्यांना आपण इथलेच आहोत आणि परकं वाटणारनाही,” असं त्याने सांगितलं. 

IPL 2025 साठी मुंबई इंडियन्सचा संघ: 

जसप्रीत बुमराह, सूर्यकुमार यादव, हार्दिक पांड्या, रोहित शर्मा, तिलक वर्मा, ट्रेंट बोल्ट, नमन धीर, रॉबिन मिन्झ, कर्ण शर्मा, रायन रिकेल्टन, दीपक चहर, अल्लाह गझनफर, विल जॅक्स, अश्वनी कुमार, मिचेल सँटनर, रीस टोपले, कृष्णन श्रीजीथ, राज अंगद बावा, सत्यनारायण राजू, बेव्हन जेकब्स, अर्जुन तेंडुलकर, लिझाद विल्यम्स, विघ्नेश पुथूर.