காலையில் அரசனைப் போல சாப்பிட வேண்டும் என்று சொல்வது உண்மை தான் என மருத்துவ நிபுணர்களும் ஒப்புக்கொள்கின்றன.
நாம் சரியான நேரத்தில் உணவைச் சாப்பிட்டால், அது உடலின் சர்க்காடியன் தாளத்துடன் உணவு முறைகளை ஒத்திசைக்க உதவும், இது நாள் முழுவதும் சிறந்த செரிமானம், ஊட்டச்சத்து உறிஞ்சுதல் மற்றும் ஆற்றல் அளவை ஊக்குவிக்கிறது. ஆரோக்கியத்தை பராமரிக்க பல உணவுகள் மற்றும் ஊட்டச்சத்து திட்டங்களில் கவனம் செலுத்துகிறோம்.
ஆனால் அந்த ஊட்டச்சத்துக்களை எடுக்கும் நேரத்தைத்தான் மறந்துவிடுகிறோம். எதைச் சாப்பிட வேண்டும், எதைச் சாப்பிடக் கூடாது என்ற கேள்வியை விட, எப்போது சாப்பிட வேண்டும் என்ற கேள்வி மிகவும் முக்கியமானது.
உடல் ஆரோக்கியத்தில் உணவு நேரம் மிக முக்கியப் பங்கு வகிக்கிறது, மற்ற விஷயங்களைப் போலவே, நம் உடலும் ஒரு நேரச் சுழற்சியைப் பின்பற்றுகிறது என்பதை, உணவு உண்பதற்கு முன்பு ஒரு முறை சிந்தித்துப் பார்க்க வேண்டும்.
சரியான நேரத்தில் உணவைச் சாப்பிட்டால், அது உடலின் சர்க்காடியன் தாளத்துடன் உணவு முறைகளை ஒத்திசைக்க உதவும். இந்த உள்ளார்ந்த 24 மணிநேர கடிகாரம் நமது ஆரோக்கியத்தின் பல்வேறு அம்சங்களை நிர்வகிக்கிறது. ஒரே உணவை காலை 10 மணிக்கு சாப்பிடுவதற்கும், இரவு 10 மணிக்கு சாப்பிடுவதற்கும் உள்ள வித்தியாசம் மிகவும் வித்தியாசமானது. ஒரே உணவு, முற்றிலும் மாறுபட்ட விளைவுகளை ஏற்படுத்தும் என்பது தெரியுமா?
மேலும் படிக்க | உயர் ரத்த அழுத்தத்தைக் குறைக்க நிபுணர் பரிந்துரைக்கும் 7 உணவுப் பழக்கம்
நமது ஆரோக்கியத்திற்கு உணவு நேரம் ஏன் முக்கியம்?
வளர்சிதை மாற்றம்
வளர்சிதை மாற்றம் ஆக்கப்பூர்வமாக இருக்கவேண்டும் என்று பலரும் விரும்பினாலும், என்ன தவறுகள் அதை பாதிக்கும் என்பதை எப்போதாவது உணர்ந்திருக்கிறீர்களா? சரியான நேரத்தில் சாப்பிடுவது நமது வளர்சிதை மாற்றத்தை சீராக்க உதவும், ஆனால் ஒழுங்கற்ற உணவு நேரம், உணவைத் தவிர்ப்பது அல்லது ஒழுங்கற்ற இடைவெளியில் சாப்பிடுவது சில பாதகமான விளைவுகளை ஏற்படுத்தும். இது எடை அதிகரிப்பதற்கும், எடையை நிர்வகிப்பதில் சிரமத்திற்கும் வழிவகுக்கும்.
செரிமான ஆரோக்கியம்
சீரான உணவு நேரங்கள், உணவை திறம்பட உடைப்பதற்கான ஒரு வழக்கத்தை வழங்குவதன் மூலம் செரிமான செயல்முறையை ஆதரிக்க முடியும். உறங்கும் நேரத்திற்கு முன்னர் உணவு உண்பது, உடலின் செரிமானத்தை பாதிப்பதோடு, தூக்க சுழற்சியை சீர்குலைக்கலாம்.
ஆற்றல் நிலைகள் மற்றும் செயல்திறன்
நாள் முழுவதும் எதையும் செய்வதற்கு நமக்கு ஆற்றல் தேவை, இதற்கு சமச்சீர் உணவு அவசியம். இது உடல் மற்றும் அறிவாற்றல் செயல்திறனை மேம்படுத்துவதன் மூலம் ஆற்றல் அளவை சீரமைக்க உதவும்.
குடல் ஆரோக்கியம்
உணவு நேரத்தை பராமரிப்பது குடல் ஆரோக்கியத்தில் சாதகமான தாக்கத்தை ஏற்படுத்தும். சீரான உணவு அட்டவணை என்பது, குடல் பாக்டீரியாவின் ஆரோக்கியமான சமநிலையை ஊக்குவிக்கும்.
மேலும் படிக்க | இரவில் இந்த 3 பானங்களை குடித்தால்... தொப்பை ஈஸியாக குறையும்!
சீரற்ற உணவு
ஒரு நாளில் எப்போது வேண்டுமானாலும் சாப்பிடுவது அல்லது பிடித்த உணவை அதிக அளவில் உண்பது போன்றவை உண்மையில் உடலுக்கு தீங்கு விளைவிக்கும். மக்கள் தங்கள் உணவு நேரத்தை தவறவிடும்போது, பசிக்கு தீனிகளை கொறிப்பதும் உடல் ஆரோக்கியத்தை பாதிக்கும்.
தூக்கத்தின் தரம்
உறங்கும் நேரத்துக்கு சற்று முன்னதாக ஊக்கமளிக்கும் உணவுகளை உண்பதைத் தவிர்ப்பது அவசியம், ஏனெனில் தூங்கப் போவதற்கு முன்பு அதிக சக்தி தரும் உணவை உட்கொள்வது தூக்கத்தை சீர்குலைக்கும். உங்கள் உணவை நீங்கள் சரியாக நேரத்தில் எடுத்துக் கொண்டால், அது உடலின் இயற்கையான தூக்கம்-விழிப்பு சுழற்சியை ஆதரிக்கும்.
இரத்த சர்க்கரை
சீரான உணவை உட்கொள்வது இரத்தத்தில் உள்ள சர்க்கரையின் அளவை சீராக்க உதவும். உணவைத் தவிர்ப்பது அல்லது அதிக சர்க்கரை, அதிக கார்போஹைட்ரேட் உணவுகளை நேரம் காலம் தவறி சாப்பிடுவது இரத்த சர்க்கரை அளவில் திடீர் மாற்றங்களை ஏற்படுத்தும்.
மேலும் படிக்க | ஒரே வாரத்தில் ஓவர் வெயிட் தெறிச்சு ஓட 'இந்த' டீ மட்டும் குடிங்க
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
