உங்களின் தனிப்பட்ட ஐஆர்சிடிசி கணக்கு மூலம் மற்றவர்களுக்கு ரயில் டிக்கெட்டுகளை முன்பதிவு செய்வது உங்களுக்கு சிக்கலை ஏற்படுத்தலாம். உதவி செய்யும் நல்ல நோக்கங்கள் இருந்தபோதிலும், வணிக ரீதியாக மற்றவர்களுக்காக முன்பதிவு செய்வதற்கு உங்கள் தனிப்பட்ட ஐடியைப் பயன்படுத்துவது குற்றமாகக் கருதப்படுகிறது. சட்டரீதியான சிக்கல்களை எதிர்கொள்வதைத் தவிர்ப்பதற்கு விதிகளை சரியாக அறிந்திருப்பது முக்கியம்.
ரயில்வே சட்டத்தின் 143வது பிரிவின்படி, மூன்றாம் நபர்களுக்கான வணிக ரீதியாக முன்பதிவு செய்ய அதிகாரப்பூர்வமாக நியமிக்கப்பட்ட முகவர்களுக்கு மட்டுமே அதிகாரம் உள்ளது. இந்த விதியை மீறினால் 3 ஆண்டுகள் வரை சிறைத்தண்டனை மற்றும் ரூ.10,000 அபராதம் உட்பட சட்ட நடவடிக்கை எடுக்கப்படும்.
மற்றவர்களுக்கு IRCTC டிக்கெட் முன்பதிவு செய்வதற்கான கட்டுப்பாடுகள்
தனிநபருக்கான IRCTC ஐடி மூலம் தனிப்பட்ட அடையாள அட்டையைப் பயன்படுத்தி, தனிநபர்கள் இரத்த சமபந்தமான உறவுகளுக்கு அல்லது அதே குடும்பப்பெயரைக் கொண்டவர்கள், நண்பர்கள் ஆகியவர்களுக்கு மட்டுமே டிக்கெட்டுகளை முன்பதிவு செய்ய வேண்டும் வணிக நோக்குடன் பிறருக்காக முன்பதிவு செய்தால் ரூ.10,000 அல்லது 3 ஆண்டுகள் வரை சிறைத்தண்டனை அல்லது இரண்டும் விதிக்கப்படலாம். ஐஆர்டிசி தவறான பயன்பாட்டைத் தடுப்பதையும், டிக்கெட் முன்பதிவுகளில் பொறுப்புணர்வை உறுதிப்படுத்துவதையும் நோக்கமாகக் கொண்டுள்ளது. இந்த விதியை மீறுவது கடுமையான விளைவுகளை ஏற்படுத்தும்.
நீங்கள் தெரிந்து கொள்ள வேண்டிய முன்பதிவு விதிகள்
1. ஏசி டிக்கெட்டுகளுக்கான தட்கல் முன்பதிவு காலை 10 மணிக்குத் தொடங்குகிறது, அதே நேரத்தில் ஏசி அல்லாத டிக்கெட்டுகளுக்கு காலை 11 மணிக்குத் தொடங்குகிறது.
2. ஆதாருடன் இணைக்கப்பட்ட ஐஆர்சிடிசி ஐடியைக் கொண்ட பயனர்கள் மாதந்தோறும் 24 டிக்கெட்டுகள் வரை முன்பதிவு செய்யலாம், அதேசமயம் ஆதார் இணைப்பு இல்லாமல், இருப்பவர்களுகான வரம்பு 12 டிக்கெட்டுகள்.
3. ஒவ்வொரு ஐடியும் அதிகபட்சம் 12 டிக்கெட்டுகளை முன்பதிவு செய்யலாம், தனிப்பட்ட பயன்பாட்டிற்காக அல்லது குடும்ப உறுப்பினர்களுக்காக மட்டுமே. இந்த வரம்பை மீறும் எந்த முன்பதிவும் சட்ட விரோதமாக கருதப்படும்.
IRCTC இல் டிக்கெட் முன்பதிவு செய்வதற்கான வழிமுறைகள்
IRCTC இணையதளத்திற்குச் சென்று உங்கள் கணக்கில் உள்நுழையவும்.
"Book Your Ticket" என்ற ஆப்ஷனை கிளிக் செய்யவும்.
போர்டிங் மற்றும் சேருமிட முகவரிகளை நிரப்பவும்.
பயணத்தின் தேதியைத் தேர்ந்தெடுக்கவும்.
பயண வகுப்பைத் தேர்வு செய்யவும்.
கிடைக்கக்கூடிய ரயில் ஆப்ஷன்களை பார்க்கவும்.
"Book Now" விருப்பத்தை கிளிக் செய்யவும்.
பயணிகளின் விவரங்களை நிரப்பவும்.
மொபைல் எண் மற்றும் கேப்ட்சா குறியீட்டை உள்ளிடவும்.
IRCTC இணையதளம் மூலம் ரயில் டிக்கெட்டை ரத்து செய்வது எப்படி
IRCTC இணையதளத்திற்குச் சென்று உங்கள் பயனர்பெயர் மற்றும் கடவுச்சொல்லை உள்ளிடவும்.
"My Account”" பிரிவில் வட்டமிட்டு, கீழ்தோன்றும் மெனுவிலிருந்து "Booked Ticket History" என்பதைத் தேர்ந்தெடுக்கவும்.
நீங்கள் ரத்து செய்ய விரும்பும் முன்பதிவைக் கண்டறிந்து, "Cancel Ticket" விருப்பத்தைக் கிளிக் செய்யவும்.
ஒரு பாப்-அப் சாளரம் தோன்றும். நீங்கள் ரத்து செய்ய விரும்பும் பயணிகளைத் தேர்ந்தெடுத்து, "I have read and understood the cancellation rules and procedure" என்பதற்கு அடுத்துள்ள பெட்டியைத் தேர்வுசெய்க. உறுதிப்படுத்த "Cancel Ticket" என்பதை மீண்டும் கிளிக் செய்யவும்.
உங்கள் பதிவு செய்யப்பட்ட மொபைல் எண்ணில் ஒரு முறை கடவுச்சொல்லை (OTP) பெறுவீர்கள். வழங்கப்பட்ட புலத்தில் OTP ஐ உள்ளிட்டு "சமர்ப்பி" என்பதைக் கிளிக் செய்யவும்.
உங்கள் கோரிக்கை செயலாக்கப்பட்டதும், உங்கள் திரையில் ஒரு உறுதிப்படுத்தல் செய்தியையும் மின்னஞ்சல் அறிவிப்பையும் பெறுவீர்கள்.
மேலும் படிக்க | வெளிநாடு டூர் இனி எளிது தான்... IRCTC வழங்கும் சில வெளிநாட்டு பேக்கேஜ்..!!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
