Indian Railway: ரயில் பயணத்தின் போது உங்கள் ரயில் டிக்கெட் திடீரென எங்காவது தொலைந்துவிட்டால், டிக்கெட் இல்லாமல் பயணம் செய்ய முடியுமா என்ற கேள்வி அனைவர் மனதிலும் எழும். இந்த நெருக்கடியான சூழ்நிலையில் நீங்கள் என்ன செய்ய வேண்டும் என அறிந்து கொள்ளலாம்.
டூப்ளிகேட் ரயில் டிக்கெட் பெறலாம்
உங்கள் ரயில் டிக்கெட் எங்காவது தொலைந்துவிட்டால், பயப்படத் தேவையில்லை. ஏனென்றால், இது யாருக்கும் நடக்கக்கூடிய பொதுவான தவறு என்பது ரயில்வேயும் நன்கு அறியும். எனவே, இதுபோன்ற சூழ்நிலையில் இந்திய ரயில்வே (Indian Railway) தனது பயணிகளுக்கு ஒரு புதிய வசதியை வழங்குகிறது. உங்கள் ரயில் டிக்கெட் தொலைத்துவிட்டால், அதற்குப் பதிலாக டூப்ளிகேட் ரயில் டிக்கெட்டைப் பெற்றுக்கொண்டு பயணம் செய்யலாம். இருப்பினும் இதற்காக நீங்கள் கூடுதல் பணம் செலவழிக்க வேண்டியிருக்கும்.
ALSO READ | Indian Railways: இப்போது ‘வேறு ஒருவரும்’ உங்கள் டிக்கெட்டில் பயணம் செய்யலாம்..!!
நகல் டிக்கெட்டுகளுக்கு கூடுதல் கட்டணம்
இந்திய ரயில்வேயின் இணையதளம் indianrail.gov.in என்ற வலைதளத்தில் இது குறித்த தகவல் அளிக்கப்பட்டுள்ளது. ரிசர்வேஷன் சார்ட் தயாரிப்பதற்கு முன் கன்பர்ம்/ஆர்ஏசி டிக்கெட் காணாமல் போனால், அதற்குப் பதிலாக டூப்ளிகேட் டிக்கெட் வழங்கப்படும். இதற்கு சில கட்டணம் செலுத்த வேண்டும் என ரயில்வே தெரிவித்துள்ளது.
இரண்டாம் மற்றும் ஸ்லீப்பர் வகுப்புக்கான நகல் டிக்கெட்டை பெற ரூ.50 செலுத்த வேண்டும். பிற வகுப்புகளுக்கு, ரூ.100 செலுத்த வேண்டும். முன்பதிவு அட்டவணையைத் தயாரித்த பிறகு, உறுதிப்படுத்தப்பட்ட டிக்கெட் காணாமல் போனதால், கட்டணத்தில் 50% செலுத்திய பிறகு நகல் டிக்கெட் வழங்கப்படுகிறது.
1. முன்பதிவு அட்டவணையைத் தயாரிப்பதற்கு முன் நீங்கள் விண்ணப்பித்தால், இழப்பு/இழந்த டிக்கெட்டுக்கும் அதே கட்டணங்கள் பொருந்தும்.
2. இந்திய ரயில்வேயின் கூற்றுப்படி, காத்திருப்போர் பட்டியலில் உள்ள டிக்கெட்டுகளுக்கு நகல் டிக்கெட் வழங்கப்படாது.
3. மேலும், விவரங்களின் அடிப்படையில் டிக்கெட்டின் உண்மைத்தன்மை மற்றும் நம்பகத்தன்மை சரிபார்க்கப்பட்டால், டிக்கெட்டுகளிலும் பணத்தைத் திரும்பப் பெறலாம்.
4. RAC டிக்கெட்டுகளில், முன்பதிவு அட்டவணையைத் தயாரித்த பிறகு, நகல் டிக்கெட் எதுவும் வழங்கப்பட முடியாது.
5. டூப்ளிகேட் டிக்கெட் வழங்கப்பட்ட பிறகு அசல் டிக்கெட்டை கிடைத்து விட்டால், இரண்டு டிக்கெட்டுகளையும் ரயில் புறப்படுவதற்கு முன் ரயில்வேயிடம் காட்டினால், நகல் டிக்கெட்டுக்கான கட்டணம் 5% திரும்பப் பெறப்படும். இருப்பினும் தொகையில் 5% கழிக்கப்படும். இதற்கான கட்டணம் குறைந்தபட்சம் 20 ரூபாயாக இருக்கும்.
ALSO READ | IRCTC வழங்கும் 'Alert' சேவை; இனி கன்பர்ம் டிக்கெட் பெறுவது மிக எளிது..!!!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, இப்போதே ஜீ இந்துஸ்தான் பயன்பாட்டைப் பதிவிறக்குங்கள்.
Android Link: https://bit.ly/3hDyh4G
Apple Link: https://apple.co/3loQYeR
