இயக்குனர் லோகேஷ் கனகராஜ் இயக்கத்தில் கமல்ஹாசன் விக்ரம் படத்தில் நடித்து முடித்துள்ளார். இப்படத்தில் விஜய் சேதுபதி, பகத் பாசில் ஆகியோர் முக்கிய கதாபாத்திரத்தில் நடிக்கின்றனர். மேலும் நரேன், செம்பன் வினோத், காளிதாஸ் ஜெயராம், காயத்ரி போன்ற முக்கிய நடிகர்கள் நடித்துள்ளனர். கடந்த வாரம் விக்ரம் படத்தின் படப்பிடிப்பு 110 நாட்களுக்கு பின்பு நிறைவு பெற்றுள்ளதாக அறிவிக்கப்பட்டது. கமல்ஹாசன் இப்படத்தின் படப்பிடிப்பை விரைந்து முடிப்பதற்காக பிக்பாஸில் இருந்து வெளியேறினார்.
மேலும் படிக்க | பிக்பாஸ் கமல் விலகல் : உண்மை காரணம் என்ன?
இந்நிலையில் விக்ரம் படத்தின் ரிலீஸ் தேதியை எதிர்பார்த்து ரசிகர்கள் காத்து கொண்டிருந்தனர். கமலின் தீவிர ரசிகரான லோகேஷ், தனது குருவை வைத்து எப்படி ஒரு படம் எடுத்துள்ளார் என்பதை பார்க்க ஆவலுடன் உள்ளனர். விக்ரம் படத்தின் ரிலீஸ் தேதி மார்ச் 14ம் தேதி வெளியாகும் என்று அறிவிக்கப்பட்டது. இதையடுத்து இன்று தகவல் வெளியாகியுள்ளது. முன்னதாக மே மாதம் விக்ரம் படம் வெளியாகும் என்று கூறப்பட்ட நிலையில் ஜூன் 3ம் தேதி திரையரங்கில் வெளியாக உள்ளது. விக்ரம் படத்தின் அறிவிப்பின் போது வெளியானது போலவே வெளியீட்டு தேதிக்கு கிலிம்ஸ் வெளியாகி உள்ளது. லோகேஷ் கனகராஜ் பிறந்தநாளான இன்று படத்தின் கிலிம்ஸி வெளியாகி உள்ளது.
துப்பாக்கிகளை வைத்து இப்படத்தில் நிறைய காட்சிகள் வரும் என்று முன்கூட்டியே லோகேஷ் கூறியிருந்தது போல் நிறைய துப்பாக்கிகள் காட்டப்படுகிறது. முன்னதாக கமலிற்கு இப்படத்தில் கண் பார்வை தெரியாது என்று கூறப்பட்ட நிலையில், கார் ஓட்டுவது போல் காட்சி உள்ளது. இதன் மூலம், அது பொய்யான தகவல் என்பது உறுதியாகி உள்ளது. மேலும், கைதி படத்தை தொடர்ந்து இரவு நேர சண்டை காட்சிகள் அதிகம் காட்டப்படுகிறது. அதே போல், பிரியாணி அண்டா, லாரி, சேசிங் காட்சிகள் இடம் பெற்றுள்ளது. விஜய் சேதுபதி முடி நரைத்து சிறிது வயதான கெட்டப்பில் காட்சி அளிக்கிறார்.
கமல்ஹாசன் நடித்த திரைப்படம் வெளிவந்து நீண்ட நாட்கள் ஆகிய நிலையில், விக்ரம் படம் கமல் ரசிகர்களுக்கு விருந்தாக அமைய உள்ளது. விரைவில் இப்படத்தின் பாடல்கள் வெளியாகும் என்று எதிர்பார்க்கப்படுகிறது. மேலும், லோகேஷ் அடுத்ததாக யாருடன் படம் இயக்க உள்ளார் என்ற கேள்வியும் ரசிகர்கள் மத்தியில் எழுந்துள்ளது.
மேலும் படிக்க | விக்ரம் படம் தொடர்பாக வீடியோவுடன் சர்ப்ரைஸ் கொடுத்த லோகேஷ்!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
