தமிழ் சினிமாவில் முக்கியமான இயக்குனராக மாறியுள்ளார் அட்லீ. ராஜா ராணி படத்தின் மூலம் இயக்குனராக அறிமுகமான இவர் அதனை தொடர்ந்து விஜய்யை வைத்து தெறி, மெர்சல், பிகில் போன்ற மாஸ் ஹிட் படங்களை கொடுத்துள்ளார். தற்போது தமிழ் சினிமாவை தாண்டி பாலிவுட்டிலும் தனது கால் தடத்தை பதித்துள்ளார். ஷாருக்கானை வைத்து அட்லி இயக்கிய ஜவான் படம் பாக்ஸ் ஆபிஸில் 1000 கோடிக்கு வசூல் செய்து சாதனை படைத்தது. இதன் மூலம் பாலிவுட்டில் மிகப்பெரிய இயக்குனராக வளர்ந்துள்ளார். அட்லீ இயக்கத்தில் நடிக்க வேண்டும் என்று பாலிவுட்டில் உள்ள டாப் ஹீரோக்கள் காத்து கொண்டுள்ளனர்.
மேலும் படிக்க | தனுஷ்-ஐஸ்வர்யா விவாகரத்து: பிள்ளைகள் 2 பேரும் யாருடன் இருப்பார்கள்?
ஜவான் படத்தை தொடர்ந்து தற்போது பாலிவுட்டில் பேபி ஜான் என்ற படத்தை தயாரித்துள்ளார் அட்லீ. தமிழில் விஜய் நடிப்பில் வெளியான தெறி படத்தில் ஹிந்தி ரீமேக் தான் பேபி ஜான். இந்த படத்தில் வருண் தவான் மற்றும் கீர்த்தி சுரேஷ் முக்கிய கதாபாத்திரத்தில் நடித்துள்ளனர். ஜாக்கி ஷெராஃப், ஜாரா ஜியன்னா, வாமிகா கபி ஆகியோர் முக்கிய கதாபாத்திரத்தில் நடித்துள்ளனர். கிறிஸ்துமஸ் பண்டிகையொட்டி இப்படம் வெளியாகியுள்ளது. ஏற்கனவே பேபி ஜான் படத்திலிருந்து வெளியான ட்ரெய்லர் மற்றும் பாடல்கள் மிகப்பெரிய ஹிட் அடித்து இந்த படத்தின் மீதான எதிர்பார்ப்பை அதிகப்படுத்தியுள்ளது.
பேபி ஜான் படத்தின் புரமோஷன் வேலையில் தீவிரமாக இறங்கி உள்ளார் அட்லீ. அப்போது தனது அடுத்த தமிழ் படம் தொடர்பான அப்டேட்டை வெளியிட்டுள்ளார். அட்லீ தமிழில் தயாரிக்கும் புதிய படத்தில் விஜய் சேதுபதியுடன் இணையுள்ளதாக தெரிவித்துள்ளார். ஜவான் படத்தில் வில்லன் கதாபாத்திரத்தில் விஜய் சேதுபதி நடித்து இருந்தார். சமீபத்தில் விஜய் சேதுபதி நடிப்பில் வெளியான மகாராஜா திரைப்படம் மிகப்பெரிய வெற்றி அடைந்தது, இது விஜய் சேதுபதிக்கும் ஒரு கம்பேக் படமாக அமைந்தது. இந்நிலையில் தனது அடுத்த படத்தில் அட்லியுடன் இணைந்துள்ளார். இந்த புதிய கூட்டணியில் உருவாகும் படத்திற்கு தற்போதே எதிர்பார்ப்பு அதிகமாகி உள்ளது.
அட்லீ தயாரிக்கும் இந்த படத்தை நடுவுல கொஞ்சம் பக்கத்த காணோம் படத்தின் மூலம் பிரபலமான இயக்குனர் பாலாஜி தரணீதரன் இயக்க உள்ளார். நீண்ட நாட்களாக இந்த படம் தொடர்பான பேச்சுவார்த்தை நடந்து வந்ததாகவும், தற்போது இந்த படத்திற்கான ஸ்கிரிப்ட் வேலைகள் முடிந்து விரைவில் படப்பிடிப்பு தொடங்க உள்ளதாகவும் அட்லீ தெரிவித்துள்ளார். விஜய் சேதுபதி தற்போது தமிழில் பிக் பாஸ் நிகழ்ச்சியை தொகுத்து வழங்கி வருகிறார். மேலும் Ace என்ற படத்திலும், ஒரு வெப் சீரிஸிலும் நடித்து முடித்துள்ளார். தற்போது பாண்டிராஜ் இயக்கத்தில் புதிய படத்தில் நடித்து வருகிறார். இதன் மூலம் 2025ல் விஜய் சேதுபதி நடிப்பில் 3 படங்கள் வெளியாக உள்ளது.
மேலும் படிக்க | கைவிடப்படும் இளையராஜாவின் பயோபிக் படம்? வெளியான லேட்டஸ்ட் தகவல்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
