IND vs SA T20: டி20 தொடரில் ஆஸ்திரேலியாவுக்கு எதிரான அற்புதமான வெற்றிக்குப் பிறகு, அனைவரது கவனமும் தற்போது இந்தியா vs தென்னாப்பிரிக்கா டி20 தொடரில் உள்ளது. செப்டம்பர் 28 ஆம் தேதி தொடங்கும் மூன்று போட்டிகள் கொண்ட தொடரில் இரு அணிகளும் விளையாடுகிறது. மேலும் டி20 உலகக் கோப்பை அணியில் இருக்கும் இந்திய வேகப்பந்து வீச்சாளர் அர்ஷ்தீப் சிங், திருவனந்தபுரத்தில் இந்திய அணியுடன் இணைய உள்ளார். முதல் டி20க்கான இந்திய ப்ளேயிங் லெவன் அணியிலும் அவர் சேர்க்கப்படுவார் என்று எதிர்பார்க்கப்படுகிறது.
சமீபத்தில் பெங்களூரில் உள்ள தேசிய கிரிக்கெட் அகாடமியில் கண்டிஷனிங் தொடர்பான வேலைக்காக அர்ஷ்தீப் அறிக்கை அளித்தார் என்பது குறிப்பிடத்தக்கது. எனவே, ஆஸ்திரேலியா தொடருக்கான இந்திய அணியில் அவர் இடம்பெறவில்லை. ஆனால் தென்னாப்பிரிக்கா டி20 தொடரில் அவர் களமிறங்கியுள்ளார். இருப்பினும், கோவிட் காரணமாக ஆஸ்திரேலியா தொடரில் இருந்து வெளியேறிய முகமது ஷமி, பங்கேற்பது பற்றி தெளிவான அறிக்கை இல்லை. தென் ஆப்பிரிக்கா தொடரில் இருந்து ஹர்திக் பாண்டியா மற்றும் புவனேஷ்வர் குமார் ஆகியோருக்கு விலக்கு அளிக்கப்பட்டுள்ளது. ஹைதராபாத்தில் ஆஸ்திரேலியாவுக்கு எதிராக இந்தியா வென்றதில் பாண்டியா மற்றும் புவனேஷ்வர் இருவரும் முக்கிய வீரர்களாக இருந்தனர்.
மேலும் படிக்க | தொடரை வென்றது இந்தியா... சூர்யகுமார், விராட் கோலி வெறியாட்டம்
இந்தத் தொடரில் அர்ஷ்தீப் பிரகாசிக்க ஒரு அற்புதமான வாய்ப்பை வழங்குகிறது. டெத் ஓவர் பந்துவீச்சு இந்தியாவிற்கு ஒரு பிரச்சனையாக உள்ளது, அந்த நேரத்தில் வேகப்பந்து வீச்சாளர் அர்ஷ்தீப் இந்தியாவிற்கு வெற்றியை கொடுக்க முடியும். ஆசிய கோப்பையில், இந்திய பந்துவீச்சாளர்கள் பந்துவீச்சு விமர்சனத்திற்கு உள்ளான நிலையில், டெத் ஓவரில் அர்ஷ்தீப் தனது சிறப்பான பவுலிங்கை வெளிக்கொண்டு வந்தார். தென்னாப்பிரிக்கா தொடரிலும் அவர் அதைக் கொண்டு வர முடிந்தால், அடுத்த மாதம் தொடங்கும் உலகக் கோப்பைக்கு அவரை அணி நிர்வாகம் பரிசீலிக்கலாம்.
தற்போதைய நிலவரப்படி, டி20 உலகக் கோப்பை ப்ளேயிங் லெவனில் ஜஸ்பிரித் பும்ரா மட்டுமே கண்டிப்பாக இடம் பெறுவார் என்ற நிலைமை உள்ளது. ஹர்ஷல் படேல் மற்றும் புவனேஷ்வர் குமார் அதிக ரன்களை அடிக்க விடுவதால் இந்திய அணியில் வேகப்பந்து வீச்சாளர்களுக்கு கடும் போட்டி நிலவுகிறது. தென்னாப்பிரிக்கா தொடர் டி20 உலகக் கோப்பைக்கு முன்பு இந்தியா விளையாடும் கடைசி தொடர் ஆகும்.
தென்னாப்பிரிக்கா டி20 போட்டிகளுக்கான இந்திய அணி: ரோஹித் சர்மா (கேப்டன்), கேஎல் ராகுல் (துணை கேப்டன்), விராட் கோலி, சூர்யகுமார் யாதவ், தீபக் ஹூடா, ரிஷப் பந்த் (விக்கெட் கீப்பர்), தினேஷ் கார்த்திக் (விக்கெட் கீப்பர்), ஆர். அஷ்வின், யுஸ்வேந்திர சாஹல், அக்சர் படேல், அர்ஷ்தீப் சிங், முகமது. ஷமி, ஹர்ஷல் படேல், தீபக் சாஹர், ஜஸ்பிரித் பும்ரா.
மேலும் படிக்க | கோப்பையை பெற்றதும் ரோஹித் செய்த காரியம்: வைரலாகும் வீடியோ!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
