கேம்பிரிட்ஜ் பலகைகழகத்தின் இந்திய மாணவர் ரிஷி ராஜ்போபட் 2,500 ஆண்டுகள் பழமையான சமஸ்கிருத புதிரை, சமஸ்கிருத மொழியின் தந்தை என்று அழைக்கப்படும் பாணினி எழுதிய இலக்கண விதியை டிகோட் செய்து சாதித்துள்ளார். கிமு 5 ஆம் நூற்றாண்டிலிருந்து பல சமஸ்கிருத அறிஞர்களால் தீர்க்க முடியாமல் போன இலக்கண புதிருக்கு இறுதியாக கேம்பிரிட்ஜ் பல்கலைக்கழகத்தின் இந்திய மாணவர் ரிஷி ராஜ்போபட் தீர்வு கண்டுள்ளார். பி எச் டி மாணவரான அவரது ஆய்வறிக்கை வியாழக்கிழமை வெளியிடப்பட்டது.
ரிஷி ராஜ்போபட், சமஸ்கிருந்த மொழியின் தந்தை என்று அழைக்கப்படும் பாணினி எழுதிய இலக்கண புதிரை தீர்ப்பதன் மூலம் இதனை சாதித்துள்ளார். முன்னணி சமஸ்கிருத வல்லுநர்கள் ராஜ்போபாட்டின் கண்டுபிடிப்பை "புரட்சிகரமானது" என்று விவரித்துள்ளனர், மேலும் இப்போது பாணினியின் இலக்கணத்தையும் முதல் முறையாக கணினிகளுக்கு கற்பிக்க முடியும் என்றும் அவர்கள் கூறியுள்ளனர்.
ராஜ்போபட் இது குறித்து கூறுகையில், "ஒன்பது மாதங்களாக புதிரை தீர்க்க முயற்சித்த பிறகு, என்னால் முடியாது என கைவிடத் தயாராக இருந்தேன். அதனால், ஒரு மாதம் புத்தகங்களை மூடிவிட்டு, கோடையில் நீச்சல், சைக்கிள் ஓட்டுதல், சமைத்தல், பிரார்த்தனை, தியானம் என்று நேரத்தை கழித்தேன். பின்னர், தயக்கத்துடன் நான் மீண்டும் இந்த பணியை எடுத்துக் கொண்டேன். சில நிமிடங்களில், நான் பக்கங்களைப் புரட்டும்போது, இதாற்கான தீர்வுகள் என மனதில் தோன்றத் தொடங்கின, அவை அர்த்தமுள்ளதாகத் என குழப்பத்தை நீக்கத் தொடங்கின. இன்னும் நிறைய வேலைகள்இருக்கின்றன என்றாலும், ஆனால் புதிரின் மிகப்பெரிய பகுதியை நான் கண்டுபிடித்தேன், ”என்று 27 வயதான அறிஞர் கூறினார்.
மேலும் படிக்க | Pope Francis: கருவூலம்! தேவாலயம்! பள்ளிவாசல்! 2500 ஆண்டு புராதன மதத்தலம் சீரமைப்பு
பாணினியின் இலக்கண புதிரை தீர்த்த நிலையில் , ராஜ்போபட் அடுத்த சில வாரங்களில், மிகவும் உற்சாகமாக இருந்தார், அவரால் தூங்க முடியவில்லை. மேலும் அவர் என்ன கண்டுபிடித்தார் என்பதைச் சரிபார்த்து, தொடர்புடைய சிக்கல்களைத் தீர்க்க, நள்ளிரவு உட்பட நூலகத்தில் மணிக்கணக்கில் அதிக நேரத்தை செலவழித்து வருகிறார். அவர் இறுதிக் கோட்டை அடைய இன்னும் இரண்டரை ஆண்டுகள் ஆகும் என கூறப்படுகிறது. அவர் டிகோட் செய்த 2,500 ஆண்டுகள் பழமையான அல்காரிதம், பாணினியின் "மொழி இயந்திரம்" என்று அழைக்கப்படுவதைத் துல்லியமாகப் பயன்படுத்துவதை முதன்முறையாக சாத்தியமாக்குகிறது.
ராஜ்போபாட்டின் கண்டுபிடிப்பு, எந்தவொரு சமஸ்கிருதச் சொல்லையும் "பெறுவது", மில்லியன் கணக்கான இலக்கணச் சரியான சொற்களை உருவாக்குவது ஆகியவற்றை சாத்தியமாக்கியுள்ளது. பாணினியின் இலக்கண புதிரை தீர்த்ததது, வரலாற்றில் மிகப்பெரிய அறிவுசார் சாதனைகளில் ஒன்றாகக் கருதப்படுகிறது.
பாணினியில் கூறப்பட்டுள்ள 4,000 விதிகள் அவரது புகழ்பெற்ற படைப்பான அஸ்தாத்யாயியில் விவரிக்கப்பட்டுள்ளது, இது கிமு 500 இல் எழுதப்பட்டதாகக் கருதப்படும் இந்த சூத்திரங்கள் இது ஒரு இயந்திரம் போல வேலை செய்யும். ஒரு வார்த்தையின் அடிப்படை மற்றும் பின்னொட்டுகளை ஊட்டவும், அது ஒரு படிப்படியான செயல்முறையின் மூலம் இலக்கணப்படி சரியான சொற்களாகவும் வாக்கியங்களாகவும் மாற்ற வேண்டும்.
இருப்பினும், இப்போது வரை, ஒரு பெரிய சிக்கல் உள்ளது. பெரும்பாலும், பாணினியின் இரண்டு அல்லது அதற்கு மேற்பட்ட விதிகள் ஒரே நேரத்தில் ஒரே நேரத்தில் பொருந்தும். இதில் எந்த ஒன்றைத் தேர்ந்தெடுப்பது என்று அறிஞர்கள் குழப்புகிறார்கள். சில வகையான "மந்திரம்" மற்றும் "குரு" உட்பட மில்லியன் கணக்கான சமஸ்கிருத வார்த்தைகளை பாதிக்கும் "விதி முரண்பாடுகள்" என்று அழைக்கப்படுவதைத் தீர்ப்பதற்கு ஒரு வழிமுறை தேவைப்படுகிறது. பாணினியின் மொழி இயந்திரம் என்றும் தன்னிறைவு பெற்றதாக ராஜ்போபாட்டின் ஆராய்ச்சி எடுத்துக் காட்டுகிறது.
மேலும் படிக்க | நாட்டை விட்டு ஓடிய கத்தார் இளவரசி... காரணம் என்ன!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
