Chandrababu Naidu Biopic - Telugodu: తెలుగు రాష్ట్ర రాజ‌కీయాల్లో మాజీ ముఖ్య‌మంత్రి చంద్రబాబు నాయుడిది చెర‌గ‌ని ముద్ర అని చెప్పాలి. ఉమ్మ‌డి రాష్ట్రానికి రెండు సార్లు ముఖ్య‌మంత్రిగా ప‌నిచేసారు. అటు విభజిత ఆంధ్ర ప్ర‌దేశ్ తొలి ముఖ్య‌మంత్రిగా ప‌నిచేసిన ఘ‌న‌త చంద్రబాబు నాయుడిది. అంతేకాదు తెలుగు రాష్ట్రాల్లో సుధీర్ఘ కాలం ప్ర‌తిప‌క్ష‌నేత‌గా కూడా చంద్రబాబు రికార్డును ఎవ‌రు బ్రేక్ చేయ‌లేరు. ఆయ‌నొక విజ‌న‌రీ. సీఎంగా ఆయన చేపట్టిన సంస్క‌ర‌ణ‌లు.. భావి తరాల భవిష్యత్తుకు వేసిన బాటలు వేసిన చరిత్ర చంద్ర‌బాబుది. తెలుగు ప్రజల ఉన్నతికి కృషి చేసిన ఆయన జీవితంపై ఓ బయోపిక్ తెరకెక్కింది.
'తెలుగోడు' పేరుతో నారా చంద్రబాబు నాయుడు జీవితాన్ని వెండితెర‌పై ఆవిష్క‌రించారు. ప్రపంచంపై తెలుగోడి సంతకం అనేది ఉపశీర్షిక. విజయవాణి ప్రొడక్షన్స్ పతాకంపై చీలా వేణుగోపాల్ సమర్పణలో సినిమా తెరకెక్కింది. కథ, కథనం, మాటలు అందించడంతో పాటు స్వీయ దర్శకత్వంలో డాక్టర్ వెంకీ మేడసాని ఈ చిత్రాన్ని నిర్మించారు. తాజాగా ఈ చిత్రాన్ని యూట్యూబ్‌లో సినిమా విడుదల చేశారు. గురువారం ఉదయం విడుదలైన ఈ సినిమా సోషల్ మీడియాలో సంచలనం సృష్టిస్తోంది.
చిత్రసీమలో ఎటువంటి నేపథ్యం గానీ, అనుభవం గానీ లేని హెయిర్ ట్రాన్స్‌ప్లాంట్ సర్జన్ వెంకీ మేడసాని... తొలి ప్రయత్నంలో తెలుగు ప్రజానీకంపై తనదైన ముద్ర వేసిన చంద్రబాబు బయోపిక్ తీసి ప్రశంసలు అందుకుంటున్నారు. ఈ సినిమా విడుదలైన సందర్భంగా ఆయన మాట్లాడుతూ... ''చంద్రబాబు గారి జీవితంలో, ఆయన పరిపాలనలో చేపట్టిన సంస్కరణల వల్ల ప్రజల జీవితాలు మారాయి. నన్ను ఆ అంశం ఎక్కువ ఆకర్షించింది. స్వాతంత్య్రం వచ్చిన తర్వాత ఐదు దశాబ్దాలు గడిచినా పల్లెటూరి ప్రజల జీవితాలు మారలేదు. చంద్రబాబు చేసిన అభివృద్ధి కారణంగా నగరాలకు వచ్చిన పల్లె ప్రజలు ఉన్నతమైన జీవితం సాగిస్తున్నారు. అభివృద్ధి అంటే కేవలం బిల్డింగ్స్ మాత్రమే కాదు. సమాజంలో వచ్చిన మార్పు కూడా. ఎటువంటి సామజిక అసమానతలు లేకుండా అందరూ ఒక్కటిగా బతుకుతున్నారు. ఆ పాయింట్ మీద సినిమా తీశామ‌న్నారు.
నారా చంద్రబాబు నాయుడు ఎలా ఆలోచించారు? అనేది 'తెలుగోడు' కాన్సెప్ట్ అని డాక్టర్ వెంకీ మేడసాని చెప్పారు. ఇంకా ఆయన మాట్లాడుతూ... ''ప్రపంచానికి తెలియని ఓ ప్రాంతాన్ని ప్రపంచానికి గమ్యస్థానంగా మార్చాలని భావించిన ఓ నాయకుడి కథ మా సినిమా. ఐదారు నెలల క్రితం సినిమా తీయాలని నేను అనుకున్నాను. కథ సిద్ధం చేశాక కొందరు నిర్మాతలను కలిశాను. కొందరు పెద్దలనూ కలిశా. రాజకీయ నాయకుడి సినిమా తీస్తే విజయం సాధించదని వారించారు. పాయింట్ నచ్చి సినిమా తీశాను. చిన్న ఆర్టిస్టులతో పెద్ద సినిమా తీశాము. కంటెంట్ మీద నమ్మకంతో ప్రజలకు చేరువ అవుతుందని తీశాను. ఎక్కువ మంది ప్రజలకు సినిమా చేరాలనే ఉద్దేశంతో యూట్యూబ్ రిలీజ్ చేశామ‌న్నారు. నేను సినిమా తీయగలననే కాన్ఫిడెన్స్ ఈ సినిమా ఇచ్చింద‌న్నారు.
చంద్రబాబు పాత్రలో వినోద్ నటించిన 'తెలుగోడు' చిత్రానికి ఛాయాగ్రహణం: మల్లిక్ చంద్ర, సంగీతం: రాజేష్ రాజ్, కథ - స్క్రీన్ ప్లే - డైలాగ్స్ - ప్రొడ్యూసర్ - డైరెక్టర్: డాక్టర్ వెంకీ మేడసాని.
Also Read: Prabhas Joins Kannappa Shooting: ఎట్టకేలకు కన్నప్ప సెట్ లో అడుగుపెట్టిన ప్రభాస్..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
