విజయవాడ: ఎమ్మెల్యే జలీల్ ఖాన్ జలీల్ ఖాన్ వైసీపీ అధినేత జగన్ పై తీవ్ర స్థాయిలో ఫైర్ అయ్యారు. ఆ రోజు ఆయన మీడియాతో మాట్లాడుతూ ఆంధ్రప్రదేశ్ రాష్ట్రానికి జగన్ సైతానులా తయారయ్యారని.. చంద్రబాబు చేస్తున్న అభివృద్ధికి నిరంతరం అడ్డుతగులుతున్నారని విమర్శించారు. వాస్తవానికి జగన్ పాదయాత్ర చేస్తుంది ప్రజల కోసం కాదని.. తనను తాను రక్షించుకునేందుకేనని ఎద్దేవ చేశారు. టీడీపీపై బీజేపీ చీఫ్ కన్నా అతస్య ఆరోపణలు చేస్తున్నారు. ఏపీ ప్రజలు బీజేపీ నేతల మాటల నమ్మే పరిస్థితిలో లేరని విమర్శించారు.
కన్నాపై పోటీకీ సై..
చంద్రబాబు అనుమతిస్తే వచ్చే ఎన్నికల్లో ఏపీ బీజేపీ అధ్యక్షుడు కన్నా లక్ష్మీనారాయణపై తాను పోటీ చేస్తానని అన్నారు. అలాగే జగన్ పై పోటీ చేసేందుకు తన కూతురు సిద్ధంగా ఉందన్నారు. ఈ విషయమై చంద్రబాబు అంగీకరించాలని ఆయన కోరారు.
