FY vs AY: ఇన్‌కంటాక్స్ రిటర్న్స్ విషయంలో కొన్ని విషయాలపై సందేహాలుంటున్నాయి. ఐటీ రిటర్న్స్ , ఐటీ రిఫండ్ విషయం పక్కనబెడితే ఏది ఫైనాన్షియల్ ఇయర్, ఏది అసెస్మెంట్ ఇయర్ అనే విషయంలో తికమకపడుతుంటారు. ట్యాక్స్ ప్రాక్టీషనర్లు చెప్పినంత సులభంగా ట్యాక్స్ పేయర్లకు ఈ విషయం అర్ధం కాదు.
ఐటీ రిటర్న్స్ ఫైల్ చేసేందుకు మరో 15 రోజులు గడువుంది. ట్యాక్స్ పేయర్లతో ట్యాక్స్ ప్రాక్టీషనర్లు చాలా బిజీగా ఉండే సమయం. ఈ క్రమంలో మీరు తరచూ వినే అంశాలు ఫైనాన్షియల్ ఇయర్, అసెస్మెంట్ ఇయర్. ఈ రెండూ పైకి చెప్పినంత సులభంగా అర్ధం కావు. చాలామందికి అర్ధం కాదు కూడా. రెండింటి మధ్య తేడా తెలుసుకోలేక తికమక పడుతుంటారు. ఫైనాన్షియల్ ఇయర్‌ను FYగా, అసెస్మెంట్ ఇయర్‌ను AYగా అభివర్ణిస్తుంటారు. ఇక్కడే తికమకపడుతుంటారు. ఆ తికమకను దూరం చేసే ప్రయత్నం చేద్దాం..
ఆర్ధిక సంవత్సరం ప్రారంభం ఏప్రిల్ 1 నుంచి ప్రారంభమై మార్చ్ 31 వరకూ ఉంటుంది. అంటే 1 ఏప్రిల్ 2023 నుంచి 31 మార్చ్ 2024 వరకూ ఉండే వ్యవధిని ఫైనాన్షియల్ ఇయర్ 2023-24 గా పిలుస్తారు. ఏడాది మొత్తం కాలంలో మీరు సంపాదించేదానికి ఫైనాన్షియల్ ఇయర్ అంటారు. ప్రభుత్వం ప్రవేశపెట్టే బడ్జెట్‌ను కూడా ఫైనాన్షియల్ ఇయర్ అంటారు. అడ్వాన్స్ ట్యాక్స్ , టీడీఎస్ ఫైనాన్షియల్ ఇయర్‌లోనే చెల్లిస్తారు. ఈ రెండు ట్యాక్స్‌లు మీ ఉజ్జాయింపు ఆదాయం ఆధారంగా లెక్కించి చెల్లిస్తుంటారు. ఈ నేపధ్యంలో అసలు ఆదాయం కంటే తక్కువ లేదా ఎక్కువ కూడా ఉండవచ్చు. ట్యాక్స్ అసలు చెల్లింపు అనేది అసెస్మెంట్ ఇయర్‌లోనే తెలుస్తుంది.
ఇక ఫైనాన్షియల్ ఇయర్ ముగిసిన తరువాత అసెస్మెంట్ ఇయర్ ప్రారంభమౌతుంది. ఆ సంవత్సరం ఆర్ధిక సంవత్సరం ఆదాయంపై ట్యాక్స్ అసెస్ చేసినప్పుడని అర్ధం. 2022-23 ఫైనాన్శియల్ ఇయర్ 1 ఏప్రిల్ 2022 నుంచి 31 మార్చ్ 2023 వరకూ ఉంటుంది. దీనికోసం అసెస్మెంట్ అనేది 1 ఏప్రిల్ 2023 నుంచి ప్రారంభమౌతుంది.
గత ఆర్ధిక సంవత్సరం మొత్తం సంపాదనపై ఎంత ట్యాక్స్ చెల్లించారనేది ఈ అసెస్మెంట్ ఇయర్‌లో నిర్ణయమౌతుంది. ఆ ప్రకారం ఇన్‌కంటాక్స్ రిటర్న్ దాఖలు చేస్తారు. అంటే జూలై 31 2023లో ఆర్ధిక సంవత్సరం 2022-23 ఆదాయంయపై ఐటీఆర్ దాఖలు చేస్తారు. నిబంధనల ప్రకారం ఆర్ధిక సంవత్సరం పూర్తయిన ఏడాదిలోగా ఇన్‌కంటాక్స్ రిటర్న్ దాఖలు చేయాల్సి ఉంటుంది. అసెస్మెంట్ ఇయర్ కోసం ట్యాక్స్ నిబంధనలు, ట్యాక్స్ స్లాబ్ రేటు ఆర్ధిక సంవత్సరంలో ఉన్నట్టే ఉంటుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
