Shiva Shankar Master: చిరంజీవి(chiranjeevi) మరోసారి తన ఉదారతను చాటుకున్నారు. ప్రముఖ కొరియోగ్రాఫర్ శివశంకర్ మాస్టార్(Dance Choreographer Shiva Shankar Master) కరోనాబారిన పడిన సంగతి తెలిసిందే. ఈ వార్త విని చలించిపోయిన మెగాస్టార్.. శివశంకర్ చిన్న కుమారుడు అజయ్ ను పిలిచి.. తనవంతు సాయంగా రూ.3లక్షల చెక్కును అందించారు.
ఆయన ఆరోగ్య పరిస్థితిపై అజయ్ ను అడిగి వివరాలు తెలుసుకున్నారు. ఏమాత్రం అధైర్య పడొద్దని..తామంతా అండగా ఉంటామని భరోసా ఇచ్చారు. ‘చిరంజీవిగారంటే నాన్నకు ఎంతో అభిమానం. వారిద్దరి కాంబోలో పలు హిట్‌ గీతాలు తెరకెక్కాయి. మెగాస్టార్ చేసిన సాయం మరిచిపోలేనిది. ఈ కష్టసమయంలో ప్రతి పైసా మాకు అవసరం’ అని అజయ్ అన్నారు.
Also Read: Siva Shankar master health condition: శివ శంకర్ మాస్టర్‌కి సోను సూద్ సహాయం
అనారోగ్యంతో బాధపడుతున్న శివశంకర్ కు గచ్చిబౌలిలోని ఏఐజీ ఆస్పత్రిలో చికిత్స అందిస్తున్నారు. కరోనా కారణంగా..ఊపిరితిత్తులకు 75 శాతం ఇన్‌ఫెక్షన్‌ సోకడంతో ఆయన ఆరోగ్యం విషమించింది. ప్రస్తుతానికి ఆయన ఐసీయూలో వెంటిలేటర్‌పై చికిత్స తీసుకుంటున్నారు.
కరోనా(Covid-19) బారిన పడిన శివశంకర్ పెద్ద కుమారుడూ అదే ఆస్పత్రిలో చికిత్స పొందుతున్నారు. ఆయన సతీమణికీ కొవిడ్‌ పాజిటివ్‌ నిర్ధారణ కాగా ఆమె హోం క్వారంటైన్‌లో ఉన్నారు. కుటుంబ సభ్యుల చికిత్సకు కావాల్సిన డబ్బు తన వద్ద లేకపోవడంతో అజయ్ సోషల్ మీడియా వేదికగా దాతల్ని కోరారు. దీంతో సాయం చేయడానికి పలువురు నటులు ముందుకొచ్చారు. ఆయన చికిత్సకు అయ్యే వైద్య ఖర్చులన్నీ తానే భరిస్తానని సోనుసూద్(Sonu Sood) అన్నారు. హీరో ధనుష్(Hero Dhanush) వైద్య ఖర్చుల నిమిత్తం ఏకంగా రూ.10 లక్షల ఆర్థిక సాయం చేశారు.
Also Read: Manchu Vishnu: 'శివశంకర్ మాస్టర్‌ కోలుకునేందుకు మీ ప్రార్థనలు ఎంతో అవసరం'..: మంచు విష్ణు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
