Ananth Sriram: ఆనంద్ దేవరకొండ, విరాజ్ అశ్విన్, వైష్ణవి చైతన్య హీరో, హీరోయిన్లుగా లో మాస్ మూవీ మేకర్స్ బ్యానర్ పై ఎస్ కేఎన్ నిర్మాణంలో దర్శకుడు సాయి రాజేశ్ తెరకెక్కించిన చిత్రం ‘బేబి’. ఈ సినిమా టాలీవుడ్ లో కల్ట్ బ్లాక్ బస్టర్ గా నిలిచింది. తాజాగా ఈ చిత్రానికి లిరిక్స్ అందించి అనంత శ్రీరామ్ ఉత్తమ పాటల రచయతగా ఐఫా అవార్డ్ దక్కించుకున్నారు. 'ఓ రెండు మేఘాలిలా..' పాటకు ఆయనకు ఐఫా అవార్డ్ వెతుక్కుంటూ వచ్చింది. దీంతో బేబి సినిమాకు బెస్ట్ లిరిక్ రైటర్ గా అన్ని మేజర్ అవార్డ్స్ స్వీప్ చేశారు అనంత శ్రీరామ్.
ఈ అవార్డ్ తీసుకున్న సందర్భంగా నిర్మాత ఎస్ కేఎన్, దర్శకుడు సాయి రాజేశ్ తో కలిసి అనంత శ్రీరామ్ తో కలిసి ఫొటో దిగారు. ఎస్ కేఎన్, సాయి రాజేశ్ అనంత శ్రీరామ్ ను అభినందించడంతో పాటు సత్కరించారు. బేబి సినిమాకు ఇప్పటిదాకా ఫిలింఫేర్, సైమా, గామా వంటి అనేక గొప్ప పురస్కారాలు దక్కాయి. ఈ సినిమాకు ప్రేక్షకుల రివార్డ్స్ తో పాటు ప్రతిష్టాత్మక అవార్డ్స్ దక్కాయి. ఈ క్రెడిట్ దర్శకుడు సాయి రాజేష్ తో పాటు ఈ సినిమాకు పనిచేసిన ప్రతి ఒక్కరికీ దక్కుతుంది.
ప్రొడ్యూసర్ ఎస్ కేఎన్, డైరెక్టర్ సాయి రాజేష్ కాంబినేషన్ లో బాలీవుడ్ లో బేబి సినిమా రీమేక్ అవుతోంది.మరోవైపు ఈ సినిమా తెలుగులో చిన్న చిత్రాల్లో పెద్ద హిట్ గా నిలిచింది. 2023లో అతిపెద్ద బ్లాక్ బస్టర్ గా నిలిచింది. మొత్తంగా విజయ్ దేవరకొండకు అర్జున్ రెడ్డి ఎలా కల్ట్ మూవీగా నిలిచిపోయిందో... ‘బేబి’ సినిమా ప్రేమ కథా చిత్రాల్లో బ్లాక్ బస్టర్ గా నిలిచింది. ఈ సినిమా ఇపుడు వివిధ భాషల్లో రీమేక్ అయింది.
ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter
