Waltair Veerayya Trailer: ఈ సంక్రాంతికి టాలీవుడ్ కళకళలాడేలా కనిపిస్తోంది. చిరంజీవి, బాలకృష్ణ వంటి హీరోలు బరిలోకి దిగుతున్నారు. మరో వైపు అజిత్, విజయ్ వంటి హీరోలు తమిళ డబ్బింగ్ సినిమాలతో దుమ్ములేపేందుకు రెడీ అవుతున్నారు. అయితే ఇప్పుడు థియేటర్ల సమస్య ఏర్పడేలా కనిపిస్తోంది. దిల్ రాజు మాత్రం తన సొంత సినిమాకే ఎక్కువ థియేటర్లను కేటాయించుకుందామని ప్రయత్నిస్తున్నాడు.
ఇప్పుడు వాల్తేరు వీరయ్య, వీర సింహా రెడ్డి సినిమాలకు థియేటర్లు ఎన్ని వస్తాయన్నది ప్రశ్నార్థకంగా మారింది. మాగ్జిమమ్ థియేటర్లను దిల్ రాజు బుక్ చేసుకుంటున్నట్టుగా తెలుస్తోంది. థియేటర్ల లెక్కను పక్కన పెడితే ఇప్పుడు ఈ రెండు సినిమాల ప్రీ రిలీజ్ బిజినెస్ లెక్కలు అందరినీ ఆశ్చర్యపరుస్తున్నాయి.
మెగాస్టార్ చిరంజీవి సినిమా మార్కెట్ చాలా పెద్దగానే ఉంటుంది. బాలయ్య మార్కెట్ కాస్త తక్కువగా ఉంటుంది. దానికి తగ్గట్టే ఈ ప్రీ రిలీజ్ బిజినెస్ జరిగినట్టు టాక్. వాల్తేరు వీరయ్యను నైజాంలో 18 కోట్లకు, ఆంధ్రలో 40 కోట్లు, సీడెడ్‌లో 14.5కోట్లకు అమ్మినట్టు సమాచారం అందుతోంది.
ఇక బాలయ్య వీర సింహారెడ్డి సినిమాను అయితే.. ఆంధ్రలో 35 కోట్లకు, నైజాంలో 15 కోట్లు, సీడెడ్‌లో 12.5 కోట్లకు అమ్మినట్టు తెలుస్తోంది. అలా బాలయ్య టార్గెట్ కాస్త తక్కువగా అయింది. మరి వీటిలో ఎవరైతే టార్గెట్ చేరి బ్రేక్ ఈవెన్ అవుతారో చూడాలి.
ఈ రెండు సినిమాల్లో దేనికి కాస్త పాజిటివ్ టాక్ వచ్చినా కూడా కలెక్షన్లలో కొత్త రికార్డులు క్రియేట్ చేయడం మాత్రం ఖాయమే. రెండు చిత్రాలను మైత్రీ సంస్థ నిర్మించింది కాబట్టి.. ఏ ఒక్కటి హిట్ అయినా కూడా రెండు సినిమాల రెవిన్యూ వచ్చే అవకాశాలున్నాయి.
Also Read: Rakul Preet Pics : రకుల్ బీచ్ ఫోటోలు.. న్యూ ఇయర్ హ్యాంగవుట్‌.. పిక్స్ వైరల్
Also Read: Sreeja Konidela : ఆ వ్యక్తిని కనుగొన్నా.. కొత్త జీవితానికి ఆరంభం ఇదే.. శ్రీజ కొణిదెల పోస్ట్ వైరల్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
