Dil Raju Bagged Nani's Dasara Rights: నాని హీరోగా దసరా అనే సినిమా తెరకెక్కిన సంగతి తెలిసిందే. సుకుమార్ శిష్యుడు శ్రీకాంత్ ఓదెల దర్శకత్వంలో తెరకెక్కిన ఈ సినిమాలో కీర్తి సురేష్ హీరోయిన్ గా నటించింది. నాని కెరీర్ లోనే మొట్టమొదటిసారిగా పూర్తిస్థాయి మాస్ మసాలా ఎంటర్ టైనర్ గా తెరకెక్కిన ఈ సినిమాను పూర్తిగా తెలంగాణ స్లాంగ్ లోనే రూపొందించారు. నాని కూడా పూర్తిస్థాయిలో తెలంగాణ యాసలో మాట్లాడుతుండగా సినిమా మొత్తాన్ని సింగరేణి గనులు, గోదావరిఖని నేపథ్యంలో తెరకెక్కించారు.
నాని కూడా ఒక సింగరేణి కార్మికుడిగా కనిపించబోతున్నట్లుగా ప్రచారం జరుగుతోంది. నిజానికి ఈ సినిమాని నిర్మించింది సుధాకర్ చెరుకూరి. శ్రీ లక్ష్మీ వెంకటేశ్వర సినిమాస్ బ్యానర్ మీద ఈ సినిమాని నిర్మించగా మార్చి 30వ తేదీన రిలీజ్ చేయబోతున్నారు. పూర్తిస్థాయి రా అండ్ రస్టిక్ సినిమాగా రూపొందిన ఈ సినిమా టీజర్ చూసిన అందరూ కూడా సినిమా మీద విపరీతమైన ఆసక్తి చూపిస్తున్నారు.
ఇక ఈ సినిమాని తెలుగు సహా తమిళ, మలయాళ, కన్నడ, హిందీ భాషల్లో రిలీజ్ చేస్తున్నారు. ఈ సినిమాని హిందీలో అనిల్ తడానికి సంబంధించిన ఏ ఏ ఫిలిమ్స్ బ్యానర్ డిస్ట్రిబ్యూట్ చేస్తుండగా తెలుగులో ఈ సినిమా హక్కులను చదలవాడ శ్రీనివాసరావు కొనుగోలు చేశారు. అయితే టీజర్ చూసిన తర్వాత దిల్ రాజు ఈ సినిమాకి అదనంగా నాలుగు కోట్ల రూపాయలు చదలవాడ శ్రీనివాసరావుకు ఇచ్చి కొనుగోలు చేసినట్లు తెలుస్తోంది.
ఈ నేపథ్యంలో ఇప్పుడు దిల్ రాజు నుంచి అన్ని ఏరియాల హక్కులు కొనుక్కోవడానికి అన్ని ప్రాంతాల డిస్ట్రిబ్యూటర్స్ పోటీ పడుతున్నట్లు తెలుస్తోంది. మొత్తం మీద ఈ సినిమా పరిస్థితి టీజర్ ముందు టీజర్ తర్వాత అన్నట్టుగా మారిపోయింది అని చెప్పాలి. టీజర్ లో నానిని చూపించిన విధానం అలాగే పూర్తిస్థాయి తెలంగాణ మాస్ మసాలా మూవీగా రాబోతుందని హింట్ ఇవ్వడంతో సినిమా మీద అంచనాలు ఒక్కసారిగా పెరిగిపోయాయని చెప్పాలి.
ఈ నేపథ్యంలో ఖచ్చితంగా ఈ సినిమా హిట్ అవుతుందని దిల్ రాజు కొనుగోలు చేయడంతో ఈ సినిమా మీద మిగతా డిస్ట్రిబ్యూటర్ల కన్ను కూడా పడిందని చెబుతున్నారు. అయితే ఇప్పటికే కొనుగోలు చేసిన సినిమాకి నాలుగు కోట్ల రూపాయలు అదనంగా పెట్టి కొనడంతో దిల్ రాజు హిట్ కొట్టడం పక్కా అంటున్నారు.
Also Read: Pawan Kalyan Unstoppable: పవన్ ఎపిసోడ్ కోసం స్పెషల్ టీములు.. దిల్ రాజును వాడుకుంటూ ఆహా ప్రమోషన్స్!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
