Naga Chaitanya 24: నాగ చైతన్య .. త్వరలో మరో ఇంటి వాడు కాబోతున్నాడు. సమంతతో విడాకుల తర్వాత ..శోభితను వివాహాం చేసుకోబోతున్నాడు. డిసెంబర్ 4న అన్నపూర్ణ స్టూడియోలో అతికొద్ది మంది సమక్షంలో ఈ పెళ్లి సింపుల్ గా చేస్తున్నారట. ఆ సంగతి పక్కన పెడితే.. నాగ చైతన్య ఈ రోజు తన 38వ పుట్టినరోజు జరుపుకుంటున్నారు. ఈ నేపథ్యలో సాయి దుర్గ తేజ్ తో ‘విరూపాక్ష’ సినిమాను తెరకెక్కించిన కార్తీక్ దండు దర్శకత్వంలో నెక్ట్స్ మూవీ చేస్తున్నాడు. ఈ సినిమా సూపర్ నాచురల్ మైథాలాజికల్ థ్రిల్లర్ గా ఈ చిత్రాన్ని తెరకెక్కించబోతున్నట్టు మేకర్స్ తెలియజేసారు. సుకుమార్‌ రైటింగ్స్‌ అసోసియేషన్‌తో ఈ ప్రతిష్టాత్మక చిత్రాన్ని నిర్మించనున్న ఎస్వీసీసీ సంస్థ
ప్రతిష్టాత్మక, భారీ చిత్రాలను టాలీవుడ్ ప్రేక్షకులకు అందిస్తున్న ప్రముఖ నిర్మాణ సంస్థ శ్రీ వెంకటేశ్వర సినీ చిత్ర ((SVCC) సంస్థ ఈ చిత్రాన్ని నిర్మిస్తోంది. సుకుమార్‌ రైటింగ్స్‌ మరో నిర్మాణ భాగస్వామిగా ఉంది. ఈ సంస్థలు సంయుక్తంగా గత ఏడాది సాయి దుర్గా తేజ్, సంయుక్త మీనన్‌లతో కార్తీక్ దండు దర్శకత్వంలో బ్లాక్‌బస్టర్‌ 'మిస్టికల్‌ థ్రిల్లర్ 'విరూపాక్ష' చిత్రాన్ని నిర్మించి సక్సెస్ అందుకున్నారు.
తాజాగా ఇప్పుడు 'విరూపాక్ష' చిత్రంతో దర్శకుడిగా తన టాలెంట్ ప్రూవ్ చేసుకున్న కార్తీక్ దండు దర్శకత్వంలోనే ఈ భారీ చిత్రాన్ని భారీ స్కేల్ తో నిర్మిస్తున్నారు ప్రముఖ నిర్మాత బీవీఎస్‌ఎన్‌ ప్రసాద్‌.
ఈ చిత్రానికి బ్రిలియంట్‌ దర్శకుడు సుకుమార్‌ కూడా వన్‌ ఆఫ్ ద ప్రొడ్యూసర్‌గా వ్యవహరిస్తున్నారు. అది ఈ సినిమాకు మరో స్పెషల్ అట్రాక్షన్. కాగా ఈ చిత్రంలో యువ సామ్రాట్‌ అక్కినేని నాగ చైతన్య హీరోగా నటిస్తున్నారు. శనివారం ఆయన
పుట్టినరోజు సందర్భంగా, ఆసక్తికరమైన ఫస్ట్ లుక్ పోస్టర్‌ను కూడా రివీల్ చేశారు.ఈ పోస్టర్‌లో ఒక అద్భుతమైన కన్ను ప్రతీకతో పాటు, రాక్ క్లైంబింగ్ టూల్స్‌తో ఓ పర్వతంపై నిలబడి ఉన్న నాగ చైతన్య కనిపించారు. ఇది ప్రేక్షకులలో భారీ ఆసక్తిని రేకెత్తించింది. "NC24" అనే వర్కింగ్‌ టైటిల్‌తో, ఈ చిత్రం డిసెంబరులో షూటింగ్ స్టార్ట్ కానుంది. భారీ బడ్జెట్‌తో, అత్యున్నత ప్రొడక్షన్ వాల్యూస్ తో ఈ చిత్రాన్ని నిర్మించబోతున్నారు.
కార్తీక్ దండు ఈ ప్రాజెక్ట్ కోసం అత్యుత్తమ టెక్నిషియన్స్ ను సెలెక్ట్ చేసుకున్నట్టు తెలుస్తోంది. ఈ చిత్రానికి అధిక స్థాయిలో CG వర్క్ తో తెరకెక్కించబోతున్నట్టు తెలుస్తోంది. ఇది ప్రేక్షకులకు అద్భుతమైన విజువల్‌ అనుభూతిని అందించేందుకు సహాయపడుతుందనే చెప్పాలి. శ్యామ్‌ దత్‌ ISC సినిమాటోగ్రఫీ, నవీన్ నూలి ఎడిటింగ్‌కు బాధ్యతలు నిర్వహిస్తున్నారు. విరూపాక్ష చిత్రానికి అద్భుతమైన సెట్స్ రూపొందించిన ఆర్ట్ డైరెక్టర్ శ్రీ నాగేంద్ర కూడా ఈ చిత్రంలో భాగమవుతున్నారు. కాంతారా మరియు విరూపాక్ష సినిమాలతో ఆకట్టుకున్న అజనీష్ లోక్‌నాథ్ ఈ థ్రిల్లర్‌కు మ్యూజిక్ అందిస్తున్నారు. త్వరలోనే ఈ సినిమాలో నటించే ఇతర నటీనటుల వివరాలు ప్రకటించనున్నారు.
ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter
