Nandamuri Fan Sai Ram Died at Bimbisara pre release event: నందమూరి కళ్యాణ్ రామ్ హీరోగా నటించిన బింబిసార ప్రీ రిలీజ్ ఈవెంట్ జూలై 29వ తేదీన శిల్పకళా వేదికలో ఘనంగా జరిగిన సంగతి తెలిసిందే. ఎన్ఠీఆర్ ముఖ్యఅతిధిగా హాజరైన ఈ ప్రీ రిలీజ్ ఈవెంట్లో ఒక అపశృతి చోటు చేసుకున్నట్లు ప్రచారం జరుగుతోంది. సాయిరాం అనే అభిమాని మృతి చెందారని తెలుస్తోంది. అయితే ఆ అభిమాని ఎలా మృతి చెందారు అనే విషయం మీద క్లారిటీ లేదు.
సాయిరామ్ అనే అభిమాని మృతి చెందడంతో ఆయన మృతదేహాన్ని ఉస్మానియా హాస్పిటల్ కి పోస్టుమార్టం నిమిత్తం తరలించారని తెలుస్తోంది. ఇక ఈ ఘటన ఆలస్యంగా వెలుగులోకి వచ్చినట్లుగా చెబుతున్నారు. ఈ విషయంలో అసలు అతను ఎలా మృతి చెందాడనే విషయం మీద పోలీసులు విచారణ చేస్తున్నారు. పుట్టా సాయిరాం అనే తాడేపల్లిగూడెంకి చెందిన వ్యక్తి కూకట్పల్లిలో ఉంటూ ప్రైవేట్ జాబ్ చేస్తున్నట్లు సమాచారం.
బింబిసార ప్రీ రిలీజ్ ఈవెంట్ కు ఎన్టీఆర్ ముఖ్యఅతిథిగా హాజరైన నేపథ్యంలో ఆయనని ఎలా అయినా చూడాలని ఉద్దేశంతో సాయిరాం ప్రీ రిలీజ్ ఈవెంట్ కు వెళ్లారని అంటున్నారు. ఇక ప్రీ రిలీజ్ ఈవెంట్ కు ముఖ్యఅతిథిగా హాజరైన ఎన్టీఆర్ అభిమానుల కోసం ఎన్ని జాగ్రత్తలు చెప్పిన ఇలా నందమూరి అభిమాని మృత్యువాత పడటం ఇప్పుడు నందమూరి అభిమానులందరికీ షాకింగ్ గా మారింది.
ఇక నందమూరి తారక రామారావు ఆర్ట్స్ బ్యానర్ పై కొసరాజు హరికృష్ణ బింబిసార సినిమాను నిర్మించారు. మల్లిడి వశిష్ట్ దర్శకుడిగా పరిచయమవుతున్న ఈ సినిమాలో కళ్యాణ్ రామ్ బింబిసార అనే పాత్రలో కనిపించబోతున్నారు. ఇక ఈ సినిమాలో కేథరిన్ థెరిసా, సంయుక్త మీనన్, వరీనా హుస్సేన్ హీరోయిన్లుగా నటించిన ఈ సినిమాకు చిరంతన్ భట్ మ్యూజిక్ అందించారు. ఇక ఈ సినిమాకు ఎంఎం కీరవాణి బ్యాక్ గ్రౌండ్ స్కోర్ అందించారు. ఛోటాకే నాయుడు సినిమాటోగ్రాఫర్ గా వ్యవహరించారు.
Also Read: Yashika Aannand: మళ్లీ కాకరేపిన యషికా.. తళుకుబెళుకుల వలపు వల విసిరిందిగా.. హాట్ ఫోటోలు చూశారా?
Also Read: Ranbir Kapoor: స్టార్ హీరో సినిమా సెట్లో అగ్నిప్రమాదం.. వ్యక్తి మృతి!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి. Twitter , Facebook
