Sasivadane Title Song Promo పలాస సినిమాతో హీరోగా అందరినీ మెప్పించాడు రక్షిత్ అట్లూరి. వెబ్ సిరీస్‌లు, సినిమాలంటూ కోమలి ప్రసాద్ కూడా మంచి పేరు తెచ్చుకుంటున్నారు. ఈ మధ్యే హిట్ 2 సినిమాలో కనిపించిన కోమలి ప్రసాద్ అందరినీ ఆకట్టుకున్నారు. రక్షిత్, కోమలి కలిసి జంటగా నటించిన చిత్రమే శశివదనే. అందమైన ప్రేమ కథ చిత్రంగా రాబోతోన్న ఈ ప్రాజెక్ట్‌ను గౌరి నాయుడు స‌మ‌ర్ప‌ణ‌లో ఎస్.వి.ఎస్.క‌న్‌స్ట్ర‌క్ష‌న్స్ ప్రై.లి, ఎ.జి.ఫిల్మ్ కంపెనీ ప‌తాకాల‌పై సాయి మోహ‌న్ ఉబ్బ‌న ద‌ర్శ‌క‌త్వంలో అహితేజ బెల్లంకొండ ఈ చిత్రాన్ని నిర్మిస్తున్నారు.
శశి వదనే సినిమాకు సంబంధించిన అప్డేట్లు ఇప్పుడు నెట్టింట్లో వైరల్ అవుతున్నాయి. వచ్చే నెలలోనే ఈ సినిమా తెరపైకి రానుంది. ఈ క్రమంలోనే ప్రమోషన్స్ పెంచేసింది చిత్రయూనిట్.ఈ చిత్రంలో ప్ర‌వీణ్ యండ‌మూరి, త‌మిళ న‌టుడు శ్రీమాన్‌, క‌న్న‌డ న‌టుడు దీప‌క్ ప్రిన్స్‌, జ‌బ‌ర్ద‌స్త్ బాబీ కీల‌క పాత్ర‌ల్లో న‌టించారు.
సినిమా ప్రమోషన్స్‌లో భాగంగా శుక్ర‌వారం నిర్మాత అహితేజ బెల్లంకొండ ‘శశివదనే’ టైటిల్ ప్రోమోను విడుదల చేశారు. ఈ ప్రోమోను చూస్తూ ఉంటే ఊరి వాతావరణం, స్వచ్చమైన ప్రేమ కథను చూడబోతోన్నట్టుగా అర్థం అవుతోంది. అచ్చమైన తెలుగు పల్లెటూరి వాతావరణంలో ఈ ప్రేమ కథ సాగుతున్నట్టుగా అనిపిస్తుంది.
శశి వదనే అంటూ సాగే ఈ పాటను హ‌రి చ‌ర‌ణ్, చిన్మ‌యి శ్రీపాద ఆలపించారు. శ్ర‌వ‌ణ వాసుదేవ‌న్ సంగీతం ఎంతో ఆహ్లాదకరంగా ఉండబోతోన్నట్టుగా కనిపిస్తోంది. కిట్టు విస్సాప్ర‌గ‌డ సాహిత్యం ట్యూన్‌కు త‌గ్గ‌ట్లు అందంగా ఉన్నాయి. శశివదనే పూర్తి టైటిల్ సాంగ్‌ను మేక‌ర్స్ ఫిబ్ర‌వ‌రి 1న రిలీజ్ చేస్తున్నారు. కోన‌సీమ, అమ‌లాపురం త‌దిత‌ర ప్రాంతాల్లో 50 రోజుల‌కు పైగానే ఈ సినిమాను చిత్రీక‌రించినట్టు మేకర్లు తెలిపారు.
Also Read: Hunt Telugu Movie Review : హంట్ రివ్యూ.. సుధీర్ బాబు డేరింగ్ స్టెప్
Also Read: Sharwanand Engagement: ఘనంగా హీరో శర్వానంద్‌ ఎంగేజ్‌మెంట్‌.. వైరల్ పిక్స్!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook
