అర్జున్ రెడ్డి రీమేక్ గా తెరపైకి '' కబీర్‌సింగ్'' తో విజయ్ దేవరకొండ మూవీస్ కు బాలీవుడ్ లో అమాంతంగా క్రేజ్ పెరిగిపోయింది. కబీర్ సింగ్ తరహా రీసెంట్ గా ''డియర్ కామ్రేడ్'' సినిమా రిలీజ్ కూడా కాకముందే కరణ్ జోహార్ ఆ సినిమా హిందీ రైట్స్ ని దక్కించుకోవడం ఇందుకు నిదర్శనం. అయితే బాలీవుడ్ లో విజయ్ దేవరకొండకి క్రేజ్ ఉన్నట్టుగా బాలీవుడ్ లో ఆయుష్మాన్ ఖురానా కి అదే స్థాయిలో క్రేజ్ క్రియేట్ అవుతుంది. డిఫెరెంట్ కథలను ఎంచుకుంటున్న ఖురానా ..భారీ స్థాయిలో సూపర్ హిట్ అందుకోకపోయినా తక్కవ బడ్జెట్ లో మినిమం సక్సెస్ గ్యారంటీ ఇమేజ్ మాత్రం సొంతం చేసుకున్నాడు.
ప్రస్తుతం మన టాలీవుడ్ స్టార్ హీరోల దృష్టి ఆయుష్మాన్ సినిమాలపై పడింది. నితిన్ చేయబోతున్న హిందీ రీమేక్ ''అంధా ధున్'' ఈ హీరోదే. అంతెందుకు నాగచైతన్య నెక్ట్స్ చేయబోతున్న రీమేక్ ''బధాయి హో'' కూడా ఆయుష్మాన్ దే. నితిన్, నాగచైతన్య లు చేయబోతున్న ఈ సినిమాలు సక్సెస్ అందుకుంటే, ఆయుష్మాన్ ఖురానా ఫ్యూచర్ సినిమాలకు తెలుగులో మరింత డిమాండ్ పెరిగే అవకాశాలు కనిపిస్తున్నాయి. విజయ్ దేవరకొండ సినిమాలకు బాలీవుడ్ లో డిమాండ్ ఉన్నట్టు, ఇక్కడ డిమాండ్ లో ఉన్నాడు ఆయుష్మాన్ ఖురానా.
