మెగాస్టార్ చిరంజీవి మేనల్లుడు సాయి ధరమ్ తేజ్ ఇప్పటికే హీరోగా ఇండస్ట్రీలో నిలదొక్కుకోగా తాజాగా తేజూ సోదరుడు వైష్ణవ్ తేజ్‌ని హీరోగా పరిచయం చేస్తూ ఇవాళే ఓ సినిమా లాంచ్ అయింది. చిరు మేనల్లుడు హీరోగా లాంచ్ అవుతున్న ఈ సినిమాకు మెగా ఫ్యామిలీ నుంచి చిరంజీవి, నాగబాబు, అల్లు అర్జున్, సాయి ధరమ్ తేజ్, వరుణ్ తేజ్ హాజరయ్యారు. సన బుచ్చిబాబు దర్శకుడిగా పరిచయం అవుతున్న ఈ సినిమాను మైత్రి మూవీస్ బ్యానర్‌తో కలిసి ప్రముఖ దర్శకుడు సుకుమార్ తన సొంత బ్యానర్ సుకుమార్ రైటింగ్స్‌పై నిర్మిస్తున్నాడు. సుకుమార్ స్వయంగా కథ అందించిన ఈ సినిమాకు దేవీశ్రీ ప్రసాద్ మ్యూజిక్ కంపోజ్ చేస్తున్నాడు.
