మొటిమలు ఎక్కువగా 80% యువతీయువకులకు వస్తాయి. దానికి కారణం హార్మోన్ల సమతుల్యత లోపించి సబేసియం గ్రంథుల నుంచి సెబమ్ ఎక్కువగా తయారుకావడమే. మొటిమలతో బయటికి వెళ్లాలంటే ఇబ్బందిపడుతుంటారు. కాబట్టి కొన్ని సులభ గృహ చిట్కాలతో మొటిమ సమస్యను దూరం చేయవచ్చు.
* తాజా కాయగూరలు, పండ్లు, ఆకుకూరలు తీసుకోవాలి. నిలువ ఉంచిన ఆహార పదార్థాలను తినరాదు.
* సున్నిపిండితో ముఖాన్ని శుభ్రం చేసుకోవడం చాలా మంచిది.
* గోరువెచ్చని నీటితో ముఖాన్ని రోజుకు 4 నుండి 6 సార్లు శుభ్రపరుచుకోవాలి.
* టేబుల్ స్పూన్ గంధపు పొడిలో చెంచా పసుపు, పాలు కలుపుకొని ముఖానికి అద్దితే మొటిమలు తగ్గుతాయి.
* దాల్చిన చెక్కను పేస్టులా చేసి ముఖానికి రాసుకొని కాసేపయ్యాక కడిగితే ఫలితం ఉంటుంది.
* తులసి ఆకుల్ని నూరి అందులో రెండు మూడు చుక్కల నిమ్మరసం కలిపితే మొటిమలు తగ్గుతాయి, మచ్చలు కూడా కనిపించవు.
* టమాటా గుజ్జును ముఖంపై మొటిమలకు రాసి పావుగంట తరువాత గోరువెచ్చటి నీటితో కడిగేసుకోవాలి. ఇలా రోజుకు రెండుసార్లు చేస్తే మొటిమలు తగ్గుతాయి.
* రోజుకు సరిపోయే స్థాయిలో నిద్ర ఉండేలా చూసుకోవాలి. ఉదయాన్నే యోగా, వ్యాయామం చేయాలి.
* ముఖం మీద మొటిమలు ఉన్న ప్రదేశంలో ఐస్ గడ్డలతో రుద్దితే ఉపశమనం లభిస్తుంది.
