DRDO Agni P: డిఫెన్స్ రీసెర్చ్ అండ్ డెవలప్మెంట్ ఆర్గనైజేషన్ (డీఆర్డీఓ) మరో విజయం సాధించింది. కొత్త జెనరేషన్ బాలిస్టిక్ మిస్సైల్ 'అగ్ని పి'ని విజయవంతంగా పరీక్షించింది. ఈ మిస్సైల్ (Agni P successfully testfired) నిర్దేశిత లక్ష్యాన్ని అత్యంతక కచ్చితత్వంతో చేరుకున్నట్లు డీఆర్డీఓ తెలిపింది.
ఒడిశా తీరంలోని ఏపీజే అబ్దుల్ కలామ్ ఐలాండ్లో శనివారం (డిసెంబర్ 18) ఈ మిస్సైల్ను విజయవంతంగా పరీక్షించినట్లు వివరించింది డీఆర్డీఓ(DRDO). తాజా పరీక్షల్లో ఈ వ్యూహాత్మక క్షిపణి ఫలితాలు ఆశించిన స్థాయిలో (Agni P latest news) వచ్చినట్లు పేర్కొంది.
#WATCH | Today India successfully testfired the nuclear-capable strategic Agni Prime missile off the coast of Odisha from Balasore.
(Source: DRDO) pic.twitter.com/wSgWKOKtQG
— ANI (@ANI) December 18, 2021
ఏమిటి ఈ 'అగ్ని పి' క్షిపణి..
అగ్ని క్షిపణుల్లో సరికొత్త టెక్నాలజీ రూపొందించిందే ఈ 'అగ్ని పి' క్షిపణి. దీని సామర్థ్యం 1,000 నుంచి 2,000 కిలోమీటర్ల శ్రేణి వరకు ఉంటుంది.
ఇది రెండు దశల కానిస్ట్రేటెడ్ సాలిడ్-ప్రొపెలెంట్ బాలిస్టిక్ మిసైల్ కావడం గమనార్హం.
తాజాగా ప్రయోగించిన మిస్సైల్ అన్ని అంచనాలను అత్యంత కచ్చితత్వంతో అందుకున్నట్లు వివరించింది రక్షణ శాఖ. ఈ నేపథ్యంలో డీఆర్డీఓకు రక్షణ మంత్రి రాజ్నాథ్ సింగ్ (Rajnath Singh) శుభాకాంక్షలు తెలిపారు. ఈ మిస్సైల్ పనితీరుపై సంతోషం వ్యక్తం చేశారు.
అగ్ని ఆయుధాల గురించి..
భారత అణు ప్రయోగ సామర్థ్యానికి అత్యంత ప్రధానమైనవి అగ్ని ఆయుధాలు. ఇందులో పృథ్వి వంటి స్వల్ప శ్రేణి బాలిస్టిక్ క్షిపణులతోపాటు.. జలాంతర్గాములు, యుద్ధ విమానాలు కూడా ఉన్నాయి. 5 వేల కిలో మీటర్ల లక్ష్యాన్ని సైతం చేధించగల సామర్థ్యం ఉన్న క్షిపణులు కూడా అగ్ని శ్రేణిలో ఉన్నాయి.
Also read: 16 ఏళ్లకే రజస్వల అయితే... మహిళల వివాహ వయసు పెంపుపై ఎస్పీ ఎంపీ షాకింగ్ కామెంట్స్
Also read: Omicron scare in India: అలాంటి పరిస్థితులే వస్తే రోజుకు 14 లక్షల కరోనా కేసులు!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
