COVAXIN Price: రేపటి నుంచి 18 ఏళ్లు దాటిన వారికి ప్రికాషన్ డోసు- తగ్గిన టీకా ధరలు

COVAXIN Price: దేశంలో కొవిడ్​ వ్యాక్సిన్​ ప్రికాషన్ డోసు 18 ఏళ్ల దాటిన ప్రతి ఒక్కరూ తీసుకునేందుకు కేంద్రం అనుమతినిచ్చిన నేపథ్యంలో.. టీకాల ధరలు భారీగా తగ్గాయి. ఒక డోసు టీకా ధర ఎంతంటే?

COVAXIN Price: రేపటి నుంచి దేశవ్యాప్తంగా 18 ఏళ్లు నిండిన ప్రతి ఒక్కరూ కరోనా ప్రికాషన్ టీకా తీసుకునేందుకు వీలు కలగనుంది, కేంద్ర ప్రభుత్వం తీసుకున్న తాజా నిర్ణయం ప్రకారం.. ప్రైవేటు టీకా కేంద్రాల్లోనే ప్రికాషన్ డోసు తీసుకోవాల్సి ఉంటుంది. ఈ నేపథ్యంలో టీకా డోసు ధర ఎంత ఉంటుందనే విషయంపై వ్యాక్సిన్​ తయారీ సంస్థలు స్పష్టతనిచ్చాయి.

కొవాగ్జిన్ డోసు ధర భారీగా తగ్గింపు..

హైదరాబాద్​ కేంద్రంగా పని చేస్తున్న భారత్ బయోటెక్ అభివృద్ధి చేసిన కొవాగ్జిన్ టీకా డోసు ధరను రూ.225కి తగ్గించింది కంపెనీ. ఈ విషయాన్ని సంస్థ జాయింట్​ ఎండీ సుచిత్ర ఎల్లా ట్విట్టర్​ ద్వారా వెల్లడించారు. ఇప్పటి వరకు కొవాగ్జిన్​ ఒక్క డోసు టీకా ధర రూ.1200గా ఉన్నట్లు తెలిపారు. టీకా ఉత్పత్తి సంస్థలతో కేంద్రం చర్చలు జరిపిన అనంతంరం ఈ ప్రకటన వెలువడటం గమనార్హం.

Announcing #CovaxinPricing .
We welcome the decision to make available precautionary dose for all adults. In consultation with the Central Government, we have decided to revise the price of #COVAXIN from Rs 1200 to Rs 225 per dose, for #privatehospitals.🇮🇳💉💉💉😷

— Suchitra Ella (@SuchitraElla) April 9, 2022

తగ్గిన కొవిషీల్డ్ ధర..

కేంద్రంతో చర్చల అనంతరం కొవిషీల్డ్​ ధరను కూడా తగ్గించినట్లు సీరమ్​ ఇన్​స్టిట్యూట్​ ఆఫ్ ఇండియా (ఎస్​ఐఐ) సీఈఓ అదర్​ పూనావాలా ట్విట్​ చేశారు. ప్రస్తుతం రూ.600గా ఉన్న కొవిషీల్డ్​ ధరను (ఒక డోసు).. రూ.225కు తగ్గించినట్లు ట్విట్టర్​లో పేర్కొన్నారు.

We are pleased to announce that after discussion with the Central Government, SII has decided to revise the price of COVISHIELD vaccine for private hospitals from Rs.600 to Rs 225 per dose. We once again commend this decision from the Centre to open precautionary dose to all 18+.

— Adar Poonawalla (@adarpoonawalla) April 9, 2022

గరిష్ఠ సర్వీస్​ ఛార్జ్​ ఎంతంటే..

టీకా ధరతో పాటు అదనంగా సర్వీస్​ ఛార్జ్​ చెల్లించాల్సి ఉంటుందని కేంద్రం తెలిపింది. అయితే ఈ ఛార్జీపైనా కేంద్రం పరిమితులు విధించింది. గరిష్ఠంగా రూ.150 వసూలు చేయాలని సూచించింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe