HD Devegowda: మాజీ ప్రధాని దేవేగౌడ దంపతులకు కరోనా పాజిటివ్, ప్రధాని మోదీ పరామర్శ

HD Devegowda COVID-19 Positive: మాజీ ప్రధాని, జేడీఎస్ అధినేత హెచ్‌డీ దేవేగౌడ కరోనా బారిన పడ్డారు. తనకు కరోనా సోకిన విషయాన్ని సోషల్ మీడియా ద్వారా వెల్లడించారు. ప్రధాని నరేంద్ర మోదీ సహా పలువురు కీలక నేతలు దేవేగౌడను ఫోన్ కాల్ ద్వారా పరామర్శిస్తున్నారు.

HD Devegowda COVID-19 Positive: గత కొన్ని రోజులుగా దేశంలో కరోనా పాజిటివ్ కేసులు విపరీతంగా నమోదవుతున్నాయి. ముఖ్యంగా ఆరు రాష్ట్రాల నుంచే 80 శాతం కోవిడ్-19 పాజిటివ్ కేసులు వస్తున్నాయి. ఈ క్రమంలో మాజీ ప్రధాని, జేడీఎస్ అధినేత హెచ్‌డీ దేవేగౌడ కరోనా బారిన పడ్డారు. తనకు కరోనా సోకిన విషయాన్ని సోషల్ మీడియా ద్వారా వెల్లడించారు.

దేవేగౌడతో పాటు ఆయన భార్యకు సైతం కరోనా సోకింది. ‘నా భార్య చెన్నమ్మకు, నాకు కరోనా పాజిటివ్ అని తేలింది. ప్రస్తుతం మేం ఐసోలేషన్‌లో ఉన్నాం. డాక్టర్ల సలహాలు పాటిస్తున్నాం. గత కొన్ని రోజులుగా నన్ను నేరుగా కలుసుకున్నవారు కోవిడ్-19(COVID-19) నిర్ధారణ పరీక్షలు చేయించుకోవాలి. పార్టీ కార్యకర్తలు, నేతలు ధైర్యంగా ఉండాలని, అధైర్య పడవద్దని సూచిస్తూ’ దేవేగౌడ ట్వీట్ చేశారు.

My wife Chennamma and I have tested positive for COVID-19. We are self-isolating along with other family members.
I request all those who came in contact with us over the last few days to get themselves tested. I request party workers and well-wishers not to panic.

— H D Devegowda (@H_D_Devegowda) March 31, 2021

మాజీ ప్రధాని దేవేగౌడ కరోనా బారిన పడ్డారని విషయం తెలుసుకున్న ప్రధాని నరేంద్ర మోదీ(PM Narendra Modi) ఆయనకు కాల్ చేశారు. దేవేగౌడ ఆరోగ్య వివరాలు అడిగి తెలుసుకున్నారు. బెంగళూరులో ప్రస్తుతం ఆరోగ్యంగా ఉన్నానని, త్వరలో కోలుకుంటానని ప్రధాని మోదీకి మాజీ ప్రధాని దేవేగౌడ చెప్పారు. తనను ఇటీవల కలిసిన వారు జాగ్రత్తలు తీసుకోవాలని, వీలైతే కరోనా నిర్ధారణ పరీక్షలు చేయించుకోవాలని పిలుపునిచ్చారు.

I am grateful to Prime Minister @narendramodi for calling and enquiring after my health. I am also deeply moved by his offer to get me treated in any hospital of my choice in any city. I assured him that I am being looked after well in Bangalore, but will keep him informed.

— H D Devegowda (@H_D_Devegowda) March 31, 2021

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee Hindustan App డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe